અમિતાભ બચ્ચન એકદમ ફીટ, તસવીરોમાં જુઓ હેલ્થ રિક્વરી બાદ શૂટિંગ પર પરત ફર્યા બિગ-બી

નવી દિલ્હીઃ બૉલીવુડના બેતાજ બાદશાહ બિગ-બીની તબિયત એકદમ ફીટ છે, ગઇકાલે અચાનાક મીડિયા રિપોટ્માં સામે આવ્યું હતું કે અમિતાભ બચ્ચનની તબિયત બગડી છે અને સારવાર માટે ડૉક્ટર્સની એક ટીમ જોધપુર પહોંચી છે. ત્યારબાદ મોડી રાત્રે અમિતાભ બચ્ચને ટ્વીટ કરી પોતે એકદમ ફીટ હોવાના વાત કહી હતી. હેલ્થ રિક્વરી મેળવ્યા બાદ અમિતાભ બચ્ચન એકદમ ફીટ થઇ ગયા છે અને શૂટિંગ પર પરત ફર્યા છે, તેની કેટલીક લેટેસ્ટ તસવીરો સામે આવી છે.

ઠગ્સ ઓફ હિન્દુસ્તાન એક એક્શન એડવેન્ચર ફિલ્મ છે. ઓફિશિયલ ડેટ તો બહાર નથી આવી પણ વર્ષના અંત સુધી આને રિલીઝ કરવામાં આવી શકે છે. આ ફિલ્મના નિર્દશન વિજય કૃષ્ણા આચાર્ય કરી રહ્યાં છે. ફિલ્મમાં એક્ટ્રેસ કેટરીના કૈફ અને ફાતિમા સના શેખ પણ મુખ્ય ભૂમિકામાં છે.

'ઠગ્સ ઓફ હિન્દુસ્તાન'માં અમિતાભ બચ્ચન, આમિર ખાનની સાથે લીડ રૉલ કરતાં જોવા મળશે. યશરાજ ફિલ્મ્સના સેટ પરથી અમિતાભના લૂકની તસવીર લીક થઇ છે, આમાં તેમને ઓળખવા મુશ્કેલ હતા. અમિતાભ પોતાના માથે સાફો બાંધેલા, પીઠ પર તલવાર લઇને એક યોદ્ધાના રૂપમાં જોવા મળ્યા હતા.

જોકે, બાદમાં જયા બચ્ચને પણ જણાવ્યું હતું કે અમિતાભને દુઃખાવો થઇ રહ્યો છે. ફિલ્મમાં ભારે કૉસ્ચ્યૂમ પહેરવાના કારણે તેમની પીઠ પર દુઃખાવો થયો હતો.

નોંધનીય છે કે, અમિતાભ બચ્ચન ઠગ્સ ઓફ હિન્દુસ્તાનના શૂટિંગ માટે જોધપુરમાં છે, ત્યાં પેટમાં દુઃખાવો થયો હતો અને ડૉક્ટરની એક ટીમે જોધપુર પહોંચીને બિગ-બીનો ચેકઅપ કર્યો હતો. આ ટીમે ગેસ્ટ્રૉલોજિસ્ટ જયંત લીડ કરી રહ્યાં હતા.

ઉલ્લેખનીય છે કે, ગઇકાલે મોડી રાત્રે અમિતાભે એક કવિતા લખી પોતે એકદમ ફીટ હોવા અંગે ખુલાસો કર્યો હતો. બીગ-બીએ ટ્વીટ કરતાં લખ્યું- ''कुछ कष्ट बढ़ा चिकिस्तक को चिकिस्ता के लिए बुलाना पड़ा; इलाज प्रबल, स्वस्थ हुए नवल, चलो इसी बहाने, अपनों का पता तो चला..'' જોકે એ સ્પષ્ટ નથી થયું કે અમિતાભે આ ટ્વીટ કેમ અને કોના માટે કર્યું.