બોલિવૂડ એકટર શ્રેયસ તલપડે હાલ બાપ્પાની ભક્તિમાં લીન છે. તેણે 7 વર્ષ બાદ ઘરે ગણપતિ બાપ્પાની સ્થાપના કરી છે. બાપ્પાના સ્વાગતની તૈયારીમાં તેની પત્ની દીપ્તિએ પણ સાથ આપ્યો. તેની ઝલક સોશિયલ મીડિયા પર ફેન્સ સાથે શેર કરી છે.
શું લખ્યું પોસ્ટમાં
શ્રયસે ઈન્સ્ટાગ્રામ પર ગણપતિ બાપ્પા અને પત્ની સાથે તસવીર પોસ્ટ કરી અને લખ્યું, બાપ્પા 7 વર્ષ બાદ ઘરે પરત ફર્યા છે. તેનાથી સૌથી વધુ ખુશી મને કોઈ ન હોઈ શકે. મારી સાથે ઉભેલી આ મહિલા મારી પત્ની પણ ખુશ છે. મારી પત્ની ગણપતિ બાપ્પા માટે બધુ ખુદ પસંદ કરવે છે. સજાવટથી લઈ બાપ્પા માટે ભોજન સુધી. સાત વર્ષનો ગાળો કેમ. આ એક કહાની છે. આજ માટે નહીં પરંતુ પછી ક્યારેક. ગણપતિ બાપ્પા મોરયા. ભગવાન આપણને અનેક ખુશી, સફળતા અને માનસિક શાંતિ આપે. ગણપતિ બાપ્પા મોરયા, હેપ્પી ગણેશ ચતુર્થી.
ટ્રેડિશનલ લુકમાં નજરે પડ્યો શ્રેયસ
શ્રેયસે પોસ્ટમાં કહ્યું કે, બાપ્પાની સાત વર્ષ સુધી સ્થાપના કેમ નહોતી કરી તે વાતનો ખુલાસો પછી કરીશું. તસવીરોમાં શ્રેયસ પોતાની પત્ની સાથે ટ્રેડિશનલ લુકમાં નજરે પડી રહ્યો છે અને બાપ્પાના આવવાની ખુશી તેના ચહેરા પર સ્પષ્ટ દેખાઈ રહી છે.
આ સીરિયલથી મરાઠી ટીવી પર વાપસી
વર્કફ્રંટની વાત કરીએ તો તાજેતરમાં નવા શો માંઝી તુજે રેશમાઘાટથી મરાઠી ટીવી પર વાપસી કરી છે. તે શોમાં યશવર્ધનનું પાત્ર નિભાવી રહ્યો છે. જ્યારે પ્રાર્થના નેહાનો રોલ કરી રહી છે.