હવે સીરિયલ ‘ગુડિયા હમારી સભી પે ભારી’ એક્ટ્રેસ સારિકા બહરોલિયાનો કોરોના રિપોર્ટ પોઝિટિવ આવ્યો છે અને તે હોમ કોરેન્ટાઈન છે. આ પહેલા તેના કો સ્ટાર કરમ રાજપાલ પણ કોરોના પોઝિટિવ આવ્યો હતો. ટેલીચક્કરના રિપોર્ટ અનુસાર, સીરિયલના પ્રોડક્શન હાઉસે તેને તમામ જરૂરી સાવચેતી રાખવા માટે કહ્યું હતું અને તેણે જાણકારી આપી હતી. ત્યાર બાદ તેણે કોરોના ટેસ્ટ કરાવ્યો અને રિપોર્ટ પોઝિટિવ આવ્યો.
હોમ કોરેન્ટાઈન થઈ સારિકા
સારિકાએ ખુદ કોરોના વાયરસ પોઝિટિવ આવાવની પુષ્ટિ કરી છે. તેણે ચાર પાંચ દિવસ પહેલા ટેસ્ટ કરાવ્યો હતો અને ત્યાર બાદ તેનો રિપોર્ટ પોઝિટિવ આવ્યો. તેણે કહ્યું કે, તે હોમ કોરેન્ટાઈન છે અને ખુદ જ પોતાનું ધ્યાન રાખી રહી છે. તેણે કહ્યું, “મેં ચાર પાંચ દિવસ પહેલા ટેસ્ટ કરાવ્યો હતો અને વિતેલા દિવસે રિપોર્ટ મળ્યો છે, જેમાં કહેવામાં આવ્યું છે કે, હું કોરોના પોઝિટિવ છું. હું હોમ કોરેન્ટાઈન છું અને મારું ધ્યાન ખુદ રાખી રહી છું.”
હિમાની શિવપુરી થઈ કોરોનાથી સંક્રમિત
હાલમાં જ સીરિયલ ‘હપ્પુ સિંહની ઉલ્ટન પલ્ટન’ એક્ટ્રેસ હિમાની શિવપુરીનો કોરોના પોઝિટિવ હોવાના અહેવાલ સોશિયલ મીડિયા પર છવાયો હતો. તેણે એક પોર્ટલને આપેલ ઇન્ટરવ્યૂમાં લોકોને અપીલ કરી હતી કે કોરોનાને હળવાશથી ન લો. તેણે કહ્યું કે, તે ખૂબ જ સાવચેત હતી, માસ્ક પહેરતી હતી અને સેનિટાઇઝરનો ઉપયોગ દરેક સમયે કરતી હતી. પરંતુ તેમ છતાં વાયરસની ઝપેટમાં આવી ગઈ.