ઈશા અંબાણીના પ્રી-વેડિંગ: અનિલ અંબાણી ભાભી નીતા અંબાણી સાથે રમ્યા જોરદાર દાંડિયા? જુઓ આ રહી તસવીરો

ઉદેયપુર: મુકેશ-નીતા અંબાણીની પુત્રી ઈશા અંબાણીના 12 ડિસેમ્બરે આનંદ પીરામલ સાથે લગ્ન થવાના છે. જોકે આ પહેલાં ઉદેયપુરમાં અંબાણી પરિવાર દ્વારા પ્રી-વેડિંગ સેલિબ્રેશન કર્યું હતું. જેમાં બોલિવુડથી લઈને હોલિવૂડ સુધીની હસ્તીઓ આવી હતી.

આનંદ પીરામલ-ઈશા અંબાણીની સંગીત સેરેમનીમાં ઈન્ટરનેશનલ બિયોન્સે પણ પર્ફોમ કર્યું હતું. આ ઉપરાંત ગુજરાતી કલાકારો પાર્થિવ ગોહિલ અને દર્શન રાવલે પણ સૂર રેલાવ્યા હતાં. દર્શનના સોંગ પર અંબાણી પરિવાર અને સેલેબ્સ જોરદાર ડાંડિયા રમ્યા હતાં.

ઉદયપુરમાં યોજાયેલા પ્રી-વેડિંગ સેલિબ્રેશનમાં ડાંડિયા પહેલા ફૂલોની હોળી રમવામાં આવી હતી. આ દરમિયાન ગુજરાતના જાણીતા સિંગર પાર્થિવ ગોહિલે પર્ફોમ કર્યું હતું. અંબાણી પરિવારના ફંક્શનમાં અભિષેક બચ્ચનની પુત્રી આરાધ્યા પિતા સાથે ફૂલોની હોળી રમતી જોવા મળી હતી.

ગુજરાતી કલાકાર દર્શન રાવલે પણ ઉદયપુરમાં પોતાના તાલે અંબાણી પરિવારને અને સેલેબ્સને ડાંડિયાના તાલે ડોલાવ્યા હતાં. દિયર ભાભીની જોડી એટલે કે નીતા અંબાણી અને અનિલ અંબાણી ‘ઘમ્મરિયા રે લાલ ઘમ્મરિયા…’ ગીતના તાલે ડાંડિયા રમતા જોવા મળી રહ્યા છે જેનો વીડિયો સોશિયલ મીડિયામાં વાયરલ થયો છે.

આ ઉપરાંત શાહરૂખ ખાનની પત્ની ગૌરી ખાન પણ ડાંડિયાની મજા લેતી જોવા મળી હતી. ગૌરી ખાન દાંડિયા રમતી હોય તેવો વીડિયો સોશિયલ મીડિયામાં વાયરલ થયો છે.