NCBની ટીમ નડિયાદવાલાના ઘરે પહોંચી હતી. NCB સૂત્રો મુજબ ફિલ્મ પ્રોડ્યૂસર ફિરોઝના ઘરેથી કેટલીક માત્રામાં ડ્રગ્સ ઝડપાયું છે. આ દરમિયાન ફિરોજ નડિયાદવાલા પોતાના ઘરે હાજર નહોતા.
જણાવવામાં આવી રહ્યું છે કે ફિરોજના ઘરે એનસીબીને ઓપરેશનમાં 10 ગ્રામ ગાંજો,ત્રણ મોબાઈલ ફોન મળી આવ્યા છે. એનસીબી મુંબઈની ટીમે એનસીબીના ઝોનલ ડાયરેક્ટર સમીર વાનખેડેના નેતૃત્વમાં મુંબઈમાં કાલે 5 ઠેકાણાઓ પર રેડ કરી હતી.
આ રેડ ડ્રગ્સ પૈડલર્સ અને સપ્લાયરની ધરપકડને લઈને કરવામાં આવી હતી. આશરે 4થી 5 ડ્રગ્સ પૈડલર્સની ધરપકડ કરવામાં આવી છે. આ દરમિયાન કમર્શિયલ માત્રામાં ડ્રગ્સ મળી આવ્યું છે, જેમાં ગાંજો ચરસ, એક અન્ય ડ્રગ્સ મળ્યું છે. આ સાથે જ રોકડ રકમ મળી આવી છે અને ગાડીઓ પણ મળી છે.
એનસીબી હવે ફિરોજ નડિયાદવાલાને સમન્સ કરશે અને બાદમાં તેની પૂછપરછ કરશે.