‘પલ પલ દિલ કે પાસ’ ફિલ્મનું ટ્રેલર રિલીઝ, સની દેઓલનો પુત્ર કરણ કરી રહ્યો છે ડેબ્યૂ

ધર્મેન્દ્રએ આ ટ્રેલરને સોશિયલ મીડિયા પર શેર કરતા લખ્યું કે “દરેક સમયગાળો પોતના પ્રેમની કથા ખુદ લખે છે અને આ પ્રેમ કહાની આ સમયની છે.”

મુંબઈ: ફિલ્મ પલ પલ દિલ કે પાસ નું ટ્રેલર રિલીઝ થઈ ચુક્યું છે. આ ફિલ્મથી સની દેઓલ પુત્ર કરણ દેઓલને લૉન્ચ કરી રહ્યા છે. ફિલ્મને ખૂદ સની દેઓલે જ ડાયરેક્ટ કર્યું છે. આ ફિલ્મમાં કરણ સાથે સહર બાંબા પણ બૉલિવૂડમં ડેબ્યૂ કરી રહી છે.

મેકર્સનો દાવો છે કે આ પેઢીની સૌથી મોટી લવ સ્ટોરી છે. ધર્મેન્દ્રએ આ ટ્રેલરને સોશિયલ મીડિયા પર શેર કરતા લખ્યું કે “ દરેક સમયગાળો પોતના પ્રેમની કથા ખુદ લખે છે અને આ પ્રેમ કહાની આ સમયની છે.”

ટ્રેલરમાં કરણનું જે એક્શન સીન દેખાડવામાં આવ્યું છે તેમાં લોકોને સની દેઓલની ઝલક પણ નજર આવી રહી છે. સોશિયલ મીડિયા પર તેની ખૂબ ચર્ચા થઈ રહી છે. ફિલ્મ 20 સપ્ટેમ્બરે રિલીઝ થઈ રહી છે.