સાહો હિંદી વર્ઝનનું કલેક્શન આધાર ફિલ્મ 2019ની પ્રથમ દિવસે સૌથી વધુ કમાણી કરનારી ફિલ્મોમાં સામેલ થઇ ગઇ છે. આ લિસ્ટમાં સાહો ત્રીજા સ્થાન પર છે. આ લિસ્ટમાં પ્રથમ સ્થાન પર સલમાનની ફિલ્મ ભારત છે જેણે પ્રથમ દિવસમાં 42.30 કરોડ રૂપિયાનો બિઝનેસ કર્યો હતો. બીજા સ્થાન પર મિશન મંગલ આવે છે. જેણે પ્રથમ દિવસ પર 29.16 કરોડ રૂપિયાની કમાણી કરી હતી.
નોંધનીય છે કે બાહુબલી ફ્રેન્ચાઇઝીમાં કામ કર્યા બાદ પ્રભાસ ઇન્ટરનેશનલ સ્ટાર બની ગયો છે. ફિલ્મ બાહુબલીઃ ધ બિંગનિંગમાં દુનિયાભરમાં 650 કરોડ રૂપિયા અને બાહુબલી-2એ દુનિયાભરમાં 1796.56 કરોડ રૂપિયાનો બિઝનેસ કર્યો હતો. આ બંન્ને ફિલ્મો બાદ સાહોથી પ્રભાસના ફેન્સે અલગ સ્વપ્ન સજાવ્યા હતા. સાહોની વાત કરીએ તો ફિલ્મ 320 કરોડમાં બની છે અને ફિલ્મમાં પ્રભાસ અને શ્રદ્ધાની સાથે નીલ નીતિન મુકેશ, જેકી શ્રોફ, મંદિરા બેદી અને ચંકી પાંડે પણ છે. ફિલ્મને સુજીતે ડિરેક્ટ કરી છે.