રિલીઝ પહેલા જ ‘પદ્માવતી’એ નોંધાવ્યો રેકોર્ડ, ‘બાહુબલી’ અને ‘દંગલ’ને છોડી પાછળ

અહેવાલ અનુસાર 180 કરોડના બજેટમાં તૈયાર થયેલ આ ફિલ્મને 4500 સ્ક્રીન્સ પર રિલીઝ કરવામાં આવસે. તેની સાથે જ ફિલ્મને ચીનમાં પણ દર્શાવવામાં આવશે. તેથી સ્પષ્ટ થાય છે કે, તેના મેકર્સ ફિલ્મને લઈને બધી રીતે તૈયાર છે.

સંજય લીલા ભણસાલીની ફિલ્મ ‘પદ્માવતી’એ અત્યારથી જ રેકોર્ડ તોડવાનું શરૂ કરી દીધું છે. કહેવાય છે કે, આ ફિલ્મે આમિર ખાનની દંગલ અને પ્રભાસની બાહુબલીને પાછળ છોડતા 150 દેશમાં પોતાની રિલીઝ કન્ફર્મ કરી લીધી છે.

પેરામાઉન્ટ પિક્ચરે આ ફિલ્મને 150 દેશોમાં રીલીઝ કરવાનો નિર્ણય કર્યો છે. જો આમ થયું તો આ ફિલ્મ દંગલ અને બાહુબલી કરતા પણ વધારે સક્સેસફુલ ફિલ્મ પુરવાર થશે. ફિલ્મને અમેરિકા, યુ.કે, ફિજી, સિંગાપોર, મલેશિયા અને મિડલ ઈસ્ટ દેશોમાં મોટા પાયે રીલીઝ કરવામાં આવશે. ચીનમાં પણ ફિલ્મને રીલીઝ કરવાનું આયોજન છે.

પદ્માવતી 1 ડિસેમ્બરના રોજ રીલીઝ થવાની છે. દિપીકા પર ફિલ્માવેલુ ગીત ઘૂમર તાજેતરમાં જ રીલીઝ થયું છે અને તે ચાહકોને ખાસ્સુ પસંદ આવ્યું છે.

આ ગીતમાં દિપીકાએ રાજપૂત સભ્યતાનો હિસ્સો મનાતા ઘૂમર પર ડાન્સ કર્યો છે. ભણશાલીને દીપિકાનો આ ડાન્સ એટલો ગમ્યો કે તેમણે તેને ફિલ્મમાં પહેરેલો એક ફેવરિટ પદ્માવતી ડ્રેસ ગિફ્ટ કર્યો છે.