આ એક્ટ્રેસને લગ્નમાં મળેલી તમામ મોંઘી ગિફ્ટ્સ ચોરાઈ ગઈ

મુંબઈઃ તમને યાદ હશે કે સોનમ કપૂર અને આનંદ આહુજાના લગ્ન તેના માસી કવિતા સિંહના બંગલામાં થયા હતા, જે બાંદ્રાના બેન્ડસ્ટેન્ડમાં આવેલ છે. આ બન્નેએ ત્યાં જ સાત ફેરા ફર્યા હતા. પરંતુ આ બંગલાના સાથે જોડાયેલ એક ખરાબ સમાચાર સામે આવ્યા છે. આ બંગલામાં ચોરી થઈ છે, ચોરોએ બંગલામાં ઘૂસીને લાખો રૂપિયાનો માલ ચોરી ગયા છે.

આ બંગલો અનિલ કપૂરની સાળી કવિતા સિંહનો છે. બંગલામાં 20 સપ્ટેમ્બરના રોજ ચોરી થઈ હતી. જેમાં સોનમના લગ્નનો ઘણો સામાન ચોરાઈ ગયો છે. તાળુ તોડીને ચોર 40 લાખનો સામાન લઈ છૂ થઈ ગયા છે. સોનમની માસીએ આ રૂમ એટલે નહતો ખોલ્યો કારણ કે તેમાં સોનમની ગિફ્ટ્સ પડી હતી. સોનમ આ ગિફ્ટ્સ પોતાના નવા ઘરમાં લઈ જગા માગતી હતી પંરુત હવે તેની આ ઈચ્છા અધૂરી રહી ગઈ છે. આ મામલે પોલીસ ફરિયાદ કરવામાં આવી છે.

એવી ચર્ચા છે કે ચોરોએ જે રૂમમાં હાથ સાફ કર્યો છે ત્યાં સોનમને લગ્નમાં મળેલી મોંઘી ગિફ્ટ્સ રાખવામાં આવી હતી. આ ગિફ્ટ્સ સોનમ અને આનંદ સાથે લઈ ગયા ન હતા.