Tiger Zinda Hai: સલમાન ખાને જારી કર્યો ‘ટાઈગર ઝિંદા હૈ’નો FIRST LOOK, જુઓ અહીં

ક્રિસમસ પર રિલીઝ થવાની હોવાથી ફિલ્મને ઘણો ફાયદો થશે તેમ માનવામાં આવી રહ્યું છે.

મીડિયા રિપોર્ટ્સ પ્રમાણે ફિલ્મનું ટ્રેલર નવેમ્બરમાં રિલીઝ થઈ શકે છે. આ ફિલ્મ 2012માં આવેલી સુપરહિટ ‘એક થા ટાઈગર’ની સીક્વલ છે. આ બોક્સઑફિસ પર એક મોટી હિટ ફિલ્મ સાબિત થશે તેવું માનવામાં આવી રહ્યું છે.

ફિલ્મના પોસ્ટર પર લખ્યું છે, ‘નો વન હન્ટ્સ લાઈક અ વાઉન્ડેડ ટાઈગર.’ જણાવી દઈએ કે, સલમાનની આ ફિલ્મની તેના ફેન્સ ખૂબ સમયથી રાહ જોઈ રહ્યાં છે. આનું કારણ એ છે કે, લાંબા સમય પછી સલમાન એક્શન અવતારમાં અને કેટરીના કૈફ સાથે દેખાશે.

સલમાન ખાને ફિલ્મના પોસ્ટરને ટ્વીટર પર પોસ્ટ કરતા લખ્યું કે, ‘દિવાળી ગિફ્ટ… પસંદ આવી? હવે ક્રિસમસ પર મળજો…#ટાઈગર ઝિંદા હૈ.’

સુપરસ્ટાર સલમાન ખાન કોઈને કોઈ તહેવાર પર પોતાના ફેન્સ માટે પોતાના તરફથી ન્યૂ મૂવી રિલીઝની ભેટ જરૂર લાવે છે. હાલમાં ઈદના અવસર પર સલમાન પોતાના ફેન્સ માટે ટ્યૂબલાઈટ લઈને આવ્યા હતા. પરંતુ ફિલ્મ બોક્સ ઓફિસ પર કંઈ ખાસ કમાલ ન કરી શકી. પરંતુ હવે સલમાન વર્ષના અંતમાં ટાઈગર ઝિંદા હૈ ફિલ્મ લઈને આવી રહ્યા છે. આ ફિલ્મને લઈને 18 ઓક્ટોબરે ખુદ સલમાન ખાને ફિલ્મનો ફર્સ્ટ લુક જારી કર્યો છે.