રૂપાણી સરકારની મળી પ્રથમ કેબિનેટ બેઠક, મંત્રીઓના ખાતા ફાળવાયા, કયા મંત્રીને કયું ખાતું મળ્યું, જાણો વિગતે

નીતિન પટેલ પાસેથી મહત્વના બે ખાતા અન્યને સોંપાયા છે નાયબ મુખ્યમંત્રી નીતિન પટેલ પાસેથી નાણાં ખાતુ લઈ સૌરભ પટેલને સોંપવામાં આવ્યું છે અને શહેરી વિકાસ ખાતું સીએમએ રૂપાણીએ પોતાના પાસે રાખ્યું છે. નીતિન પટેલે પત્રકાર પરિષદ બાદ પણ તેમણે મૌન પાળ્યું હતું. અને પત્રકાર પરિષદમાંથી વિદાય લીધી હતી. પરંતુ ખાતાની ફાળવણીથી કોઈ નારાજ ન હોવાને લઈ સીએમ એ પણ સ્પષ્ટતા કરતા કહ્યું તે ખાતાની ફાળવણીથી કોઈ નારાજ નથી.

અમદાવાદ: મોડીરાત્રે મુખ્યમંત્રી રૂપાણીના નેતૃત્વમાં ગાંધીનગરમાં યોજાયેલી કેબિનેટની પ્રથમ બેઠક પૂર્ણ થતાં મંત્રીઓના ખાતાઓની ફાળવણી કરવામાં આવી હતી. પહેલી બેઠકમાં ખેડૂતો લક્ષી અને શિક્ષણ લક્ષી ચર્ચા કરવામાં આવી હતી. સરકાર વિકાસની દિશામાં કામ કરતી રહેશે, તેમ જણાવી સીએમ રૂપાણીએ કાર્યનો શુભ આરંભ કરવામાં આવ્યો હોવાનું જણાવ્યું હતું. સીએમ રૂપાણીએ કહ્યું કે, પહેલી બેઠકમાં લેવાયેલા નિર્ણય પ્રમાણે ખેડૂતો પાસેથી ટેકાના ભાવે મગફળીની ખરીદી ચાલું જ રહેશે. ખાતાઓની ફાળવણી કરીને દરેકને કાર્યભાર પર સોંપવામાં આવ્યો.

ગુજરાતમાં નવી રચાયેલી રૂપાણી સરકારની પ્રથમ કેબિનેટ બેઠક ગુરૂવારે મોડી સાંજે ગાંધીનગરના સ્વર્ણિમ સંકુલમાં યોજાઈ હતી. પાંચ વાગે યોજાનારી બેઠક ચાર કલાકના વિલંબ બાદ યોજાઈ હતી. આ કેબિનેટ બેઠકમાં રૂપાણીના નવા મંત્રીમંડળના મંત્રીઓને વિવિધ ખાતાઓની ફાળવણી કરવામાં આવી છે.પ્રદીપસિંહ જાડેજાને ગૃહવિભાગ અને જયેશ રાદડીયાને અન્ન અને પુરવાઠા ખાતુ ફરીથી સોંપાયુ છે.

બચુ ખાબડઃ ગ્રામગૃહ નિર્માણ, ગ્રામ વિકાસ, પશુપાલન, ગૌસંવર્ધન. જયદ્રથસિંહજી પરમારઃ કૃષિ વિભાગ (રાજ્યકક્ષા), પંચાયત, પર્યાવરણ (સ્વતંત્ર હવાલો). ઇશ્વરસિંહ પટેલઃ સહકાર, રમતગમત, યુવક સાંસ્કૃતિક વિભાગ (સ્વતંત્ર હવાલો), વાહન વ્યવહાર (રાજ્યકક્ષા). વાસણ આહિરઃ સામાજિક શૈક્ષણિક પછાત વર્ગ કલ્યાણ. વિભાવરી દવેઃ મહિલા બાળ કલ્યાણ વિભાગ, શિક્ષણ (પ્રાથમિક અને ઉચ્ચ), યાત્રાધામ. રમણલાલ પાટકરઃ વન અને આદિજાતિ વિભાગ. કિશોર કાનાણીઃ આરોગ્ય અને પરિવાર કલ્યાણ, તબીબી શિક્ષણ

પ્રદીપસિંહ જાડેજાઃ ગૃહ, ઊર્જા, વૈદ્યાનિક અને સંસદીય બાબતો, કાયદો, ન્યાયતંત્ર (રાજ્યકક્ષા), પોલીસ હાઉસિંગ, બોર્ડર સિક્યોરિટી, સિવિલ ડિફેન્સ, ગ્રામ રક્ષક દળ, જેલ, નશાબંધી આબકારી, સ્વૈચ્છિક સંસ્થાઓનું સંકલન, બિનનિવાસી ગુજરાતી પ્રભાગ, પ્રોટોકોલ (તમામ સ્વતંત્ર હવાલો) પરબત પટેલઃ સિંચાઈ પાણી પુરવઠા (સ્વતંત્ર હવાલો) પુરુષોત્તમ સોલંકીઃ મત્સ્ય ઉદ્યોગ બચુ ખાબડઃ ગ્રામગૃહ નિર્માણ, ગ્રામ વિકાસ, પશુપાલન, ગૌસંવર્ધન

જયેશ રાદડિયા: – અન્ન, નાગરિક પુરવઠા અને ગ્રાહકો, કુટીર, છાપકામ અને લેખન સામગ્રી. દિલીપ ઠાકોર: – શ્રમ અને રોજગાર, ડીઝાસ્ટર મેનેજમેન્ટ, યાત્રાધામ વિકાસ. ઈશ્વર પરમાર :- સામાજિક ન્યાય અને અધિકારીતા વિભાગ(અનુસૂચિત જાતિ કલ્યાણ, સામાજિક અને શૈક્ષણિક રીતે પછાત વર્ગોનું કલ્યાણ સહિત)

સૌરભ પટેલ: – નાણાં વિભાગ અને ઉર્જા વિભાગ. આર સી ફળદુ: – કૃષિ, ગ્રામ વિકાસ, મત્સ્ય ઉદ્યોગ, પશુપાલન, વાહન વ્યવહાર. ભૂપેન્દ્રસિંહ ચૂડાસમા: – શિક્ષણ વિભાગ, શૈક્ષણિક બાબતો કાયદો અને ન્યાયતંત્ર, વૈધાનિક અને સંસદીય બાબતો, મીઠા ઉદ્યોગ, ગૌ-સંવર્ધન અને નાગરિક ઉડ્ડયન). કૌશિક પટેલ: – મહેસૂલ વિભાગ. ગણપત વસાવા:– આદિવાસી વિકાસ, પ્રવાસન અને વન વિભાગ, મહિલા અને બાળ કલ્યાણ

વિજય રૂપાણી:– સામાન્ય વિભાગ, ગૃહ, શહેરી વિકાસ, બંદરો, ખાણ ખનિજ, માહિતી પ્રસારણ, પેટ્રોલિયમ, ક્લાયમેટ ચેન્જ, પ્લાનીંગ, સાયન્સ એન્ડ ટેકનોલોજી, તમામ નીતિઓ અને કોઈ મંત્રીઓને ન ફાળવેલી હોય તેવી તમામ બાબતો. નિતિન પટેલઃ માર્ગ અને મકાન, આરોગ્ય અને પરીવાર કલ્યાણ, તબીબી શિક્ષણ, નર્મદા, કલ્પસર, પાટનગર યોજના