ગુજરાતના પૂર્વ મુખ્યમંત્રી કેશુભાઈ પટેલના પુત્રનું અમેરિકામાં હાર્ટ એટેકથી મોત

કેશુભાઈના 60 વર્ષીય પુત્ર પ્રવીણ પટેલના અવસાન બાદ તેમની અંતિમવિધિ અમેરિકામાં જ કરવામાં આવશે. નાદુરસ્ત તબિયતને કારણે પૂર્વ મુખ્યપ્રધાન કેશુભાઈ પટેલ તેમના પુત્રની અંતિમવિધિ માટે અમેરિકા નહીં જઈ શકે. જ્યારે અંતિમવિધિમાં તેમના ભાઇ ભરતભાઇ સહિત પરિવારજનો અમેરિકામાં જશે.

રાજકોટઃ ગુજરાતના પૂર્વ મુખ્યમંત્રી અને ભાજપના વરિષ્ઠ આગેવાન કેશુભાઈ પટેલના દીકરા પ્રવિણ પટેલનું હાર્ટ એટેકના કારણે અમેરિકામાં નિધન થયું છે. મળતી માહિતી પ્રમાણે કેશુભાઈ પટેલના પુત્ર પ્રવિણ પટેલના યૂએસના ડલ્લા શહેરમાં રહેતા હતા. તેમની ઉંમર 60 વર્ષની હતી. કેશુભાઇના પુત્રનું નિધન થતાં તેમના પરિવારમાં શોકનુ મોજુ ફરી વળ્યુ છે. અત્રે ઉલ્લેખનીય છે કે કેશુભાઇ પટેલને સંતાનમાં પાંચ પુત્ર અને એક પુત્રી છે. કેશુભાઇના પત્ની લીલાબેનનું 21 સપ્ટેમ્બર 2016ના રોજ ગાંધીનગર ખાતે તેમના ઘરે શોર્ટ સર્કિટના કારણે મૃત્યુ થયુ હતું.

PM નરેન્દ્ર મોદીએ કેશુભાઈ પટેલ સાથે ફોન પર વાતચીત કરીને દીકરાના નિધન પર શોક વ્યક્ત કર્યો. પર્વ CM કેશુભાઈ પટેલના દીકરાનું અવસાન થતા મુખ્યમંત્રી વિજયભાઈ રૂપાણીએ કેશુભાઈ સાથે ટેલિફોનિક વાત કરી સાંત્વના પાઠવી પ્રદેશ ભાજપ અધ્યક્ષ જીતુ વાઘાણી, ભૂપેન્દ્ર યાદવ અને ભીખુભાઈ દલસાણીયાએ પૂર્વ CM કેશુભાઇ પટેલની લીધી મુલાકાત, પાઠવી સાંત્વના આપી.