ગઢડા: યુવતીને માર મારી અપહરણ કરવાના કેસમાં ચોંકાવનારો વળાંક, પોલીસ તપાસમાં શું થયો ખુલાસો, જાણો

યુવતીએ પોતાનું પ્રેમ પ્રકરણ છુપાવવા માટે અપહરણની વાત ઉપજાવી હતી. પ્રેમીની અત્યારે પોલીસ સ્ટેશનમાં પુછપરછ કરવામાં આવી રહી છે. ઉલ્લેખનીય છે કે યુવતીનું અપહરણ કરી તેને માર મારી હાઇવે પર ફેંકી દીધાનો આરોપ લાગ્યો હતો.

અમદાવાદઃ ગઢડાની યુવતીના અપહરણ અને માર મારવાના કેસમાં ચોંકાવનારો વળાંક સામે આવ્યો છે. યુવતીએ પ્રેમ પ્રકરણ છુપાવવા માટે અપહરણની કહાની બનાવી હોવાની વાત સામે આવી છે. બોરનું કામ ચાલી રહ્યુ હતુ ત્યાં અકસ્માતે યુવતીને ઈજા પહોંચી હતી.

ગઢડાની યુવતીની અપહરણના મામલે પોલીસ તપાસમાં મોટો ખુલાસો થયો છે. યુવતી પોતાના પ્રેમીને મળવા માટે પહોંચી હતી. સાળંગ - પરડા રોડ પર એક સ્થાને પહોંચી હતી. બોરનું કામ ચાલી રહ્યુ હતુ ત્યાં અકસ્માતે ઈજા પહોંચી હતી.