જૂનાગઢ: કિર્તીદાન ગઢવીના ડાયરામાં ફાયરિંગ, કયા 6 લોકો સામે થઈ ફરિયાદ દાખલ, જાણો વિગત

ત્યાર બાદ સમગ્ર ઘટનામાં બી ડીવીઝન પીએસઆઈ બી કે વાઘે 6 અજાણ્યા શખ્સો સામે આડેધડ ફાયરિંગ કરી, અન્યની જિંદગી અને શારીરિક સલામતી ભયમાં મૂકાય તેવું કૃત્ય જાહેર પ્રસંગમાં કરી ગુનો કરવા બદલ ફરિયાદ દાખલ કરી છે.

એક તરફ કલાકારો પર રૂપિયાનો વરસાદ વરસાવી રહ્યા હતા ત્યારે બીજી તરફ બંદૂકમાંથી ભડાકા થઈ રહ્યા હતાં. જેના કારણે ડાયરાને બદલે યુદ્ધભૂમિ હોય એવો માહોલ જોવા મળ્યો હતો. આ પ્રસંગનો વીડિયો વાયરલ થતાં સમગ્ર ગુજરાતમાં ચકચાર મચી ગઈ હતી.

ભજનના શબ્દો હતા ‘વાગે ભડાકા ભારી રે ભજનના વાગે ભડાકા ભારી...રે...’ આ શબ્દો કાને પડતાં ડાયરાની મોજ માણવા આવેલા કેટલાંક શખ્સો તાનમાં આવી ગયા હતા અને પોતાની પાસે રહેલ બંદૂક જેવા હથિયારમાંથી હવામાં ભડાકા કર્યા હતાં.

જૂનાગઢનાં જોષીપરામાં રહેતા કાઠી દરબાર જસકુ કાઠીના ઘરે લગ્ન હતાં. લગ્ન નિમીત્તે ખલીલપુર ચોકડી સ્થિત રામવાડીમાં ડાયરાનું પણ આયોજન કર્યું હતું. જેમાં મહેમાનો, આગેવાનો, સાધુ સંતો તેમજ ઓડિયન્સની ઉપસ્થિતિમાં કિર્તીદાન ગઢવી પોતાના બુલંદ સ્વરમાં ભજન લલકારતા હતા.

આ લગ્ન પ્રસંગનો વીડિયો વોયરલ થતાં સમગ્ર ગુજરાતમાં ચકચાર મચી ગઈ હતી. આ અંગે જાણ થતાં પોલીસ પણ હરકતમાં આવી છે અને તપાસનાં ચક્રોગતિમાન કરી 6 અજાણ્યા શખ્સો સામે ફરિયાદ દાખલ કરી છે. વીડિયો વાયરલ થતાં ગુજરાતમાં એક જ ચર્ચા હતી કે કિર્તીદાન ગઢવીના પોગ્રામમાં જોરદાર ફાયરિંગ થયું.

જૂનાગઢ: જૂનાગઢમાં તાજેતરમાં યોજાયેલા એક લગ્ન સમારંભ દરમિયાન લોકડાયરામાં 6 શખ્સોએ હવામાં ફાયરિંગ કર્યું હતું. એક તરફ કલાકારના મુખેથી ભજનના શબ્દો નિકળતા હતાં ‘વાગે ભડાકા ભારી રે ભજનમાં વાગે ભડાકા ભારી રે...’ ત્યારે બીજી તરફ ખરેખર હવામાં ધડાધડ ભડાકા થઈ રહ્યા હતાં. લગ્ન પ્રસંગે હવામાં ફાયરિંગની ઘટના તો ઘણીવાર સામે આવી છે જોકે આવું પહેલીવાર જોવા મળ્યું છે કે એક પછી એક હવામાં ફાયરિંગ થતું હોય.