અલ્પેશ ઠાકોરને કોંગ્રેસે સિદ્ધપુરને બદલે કઈ બેઠક પરથી લડવા આપ્યો આદેશ? જાણો વિગત

અલ્પેશ ઠાકોર અગાઉ સિધ્ધપુર બેઠક પરથી લડવા માગતા હતા પણ સ્થાનિક ના હોવાથી તેમનો વિરોધ થતાં છેવટે કોંગ્રેસે તેમને રાધનપુર બેઠક પરથી લડાવવાનો નિર્ણય લીધો છે. અલ્પેશ ઠાકોર આવતી કાલે સોમવારે ઉમેદવારીપત્ર ભરશે.

કોંગ્રેસ મોવડીમંડળે અલ્પેશ ઠાકોરને રાધનપુર બેઠક પરથી મેદાનમાં ઉતારવાનો નિર્ણય લીધો છે. હાલમાં રાધનપુર બેઠક ભાજપ પાસે છે. ભાજપના નાગરજી ઠાકોર 2012ની વિધાનસભા ચૂંટણીમાં આ બેઠક પરથી જીત્યા હતા.

અમદાવાદઃ ગુજરાતમાં બીજા તબક્કાની ચૂંટણી માટે ઉમેદવારીપત્રો ભરવાનો આવતી કાલે છેલ્લો દિવસ છે ત્યારે કોંગ્રેસે આજે કેટલાક ઉમેદવારોને ફોનથી ઉમેદવારીપત્ર ભરવા કહી દીધું છે. આ ઉમેદવારોમાં તાજેતરમાં કોંગ્રેસમાં જોડાયેલા ઓબીસી નેતા અલ્પેશ ઠાકોરનો પણ સમાવેશ થાય છે.