યુવા ભાજપ પ્રમુખ ઋત્વિજ પટેલને મહેસાણામાં પણ પડ્યો તમાચો, જાણો કોણે લગાવી લપડાક?

મહેસાણાઃ ગઈ કાલે ભાજપ યુવા મોરચાના પ્રમુખ ડો.શ્રત્વિજ પટેલનો મહેસાણામાં અભિવાદન સમારોહ યોજાયો હતો. આ પહેલાં બપોરે પોણા પોંચ વાગ્યે બાઇક રેલી યોજાઈ હતી. ત્યારે મોઢેરા ચોકડી પાસે તેઓ જીપમાંથી ઉતરી સરદાર પટેલની પ્રતિમાને માલ્યારોપણ કરવા જઈ રહ્યા હતા, ત્યારે અચાનક જ જોટાણાના પાસના કાર્યકરે ભીખા પટેલે ઋત્વિજ પટેલને લાફો મારવાનો પ્રયાસ કર્યો હતો, પરંતુ ગાલની જગ્યાએ ખભાના પાછળના ભાગે વાગ્યો હતો.

આ ઘટનાથી ભાજપમાં હડકંપ મચી ગયો હતો. આ સમયે જ પથ્થરમારો પણ થયો હતો. બીજી તરફ ભાજપના કાર્યકરોએ હુમલાવર યુવકને પકડીને મેથીપાક પણ ચખાડ્યો હતો. જો કે, પોલીસે આ યુવકને પકડી લેતાં પરિસ્થિતિ થાળે પડી ગઈ હતી.

આ ઘટના પછી પાસના કાર્યકરે ભીભા પટેલને પોલીસ હેડ ક્વાર્ટર લઈ જવાયો હતો. દરમિયાન મોઢેરા ચોકડીએ આવેલા જયંત પ્લાઝા શોપિંગ સેન્ટર તરફથી પથ્થરમારો પણ થયો હતો. જોકે, થોડીવારમાં જ પરિસ્થિતિ ઝડપથી થાળે પડી ગઈ હતી. આ સિવાય શિલ્પા ચોકડીએ પણ પાસના કાર્યકરોએ કાળા કપડાં પહેરી બેનરો સાથે ભાજપના કાર્યક્રમનો વિરોધ કર્યો હતો.