બોટાદઃ આગામી 28મી ફેબ્રુઆરીએ નગરપાલિકા માટેની ચૂંટણી યોજાવાની છે, ત્યારે બરવાળા નગરપાલિકાની ચૂંટણીને લઈ પ્રચાર કરતા ભાજપ આગેવાનોને મતદારોનો કડવો અનુભવ થયો હતો. મતદારોએ પ્રચાર ન કરવા દીધો હોવાનો વીડિયો વાયરલ થયો છે.

બરવાળા નગરપાલિકાના વોર્ડ નંબર 4 ના રહીશોએ પ્રચાર ન કરવા ભાજપના આગેવાનો સાથે વાત કરતો વિડીયો વાયરલ થયો છે. બરવાળા નગરપાલિકા દ્વારા 4 વર્ષ પહેલાં ડ્રાયવર તેમજ અલગ અલગ પોસ્ટના 9 કર્મચારીઓને છૂટા કરેલ હોય ભાજપ સામે રોષ વ્યકત કર્યો હતો. લોકોના રોષને કારણે ઉમેદવારોએ વગર પ્રચારે પાછા ફરવું પડ્યું હતું.