પોલીસ ફરિયાદ મુજબ મણિનગરમાં રહેતા જમનાબેન સુરેશભાઈ વેગડા કે જેઓ દાણીલિમડા વોર્ડમાંથી કોંગ્રેસના કોર્પોરેટર છે. તેમણે સોમવારે કાગડાપીઠ પોલીસ સ્ટેશનમાં ફરિયાદ નોંધાવી છે કે, ફિલ્મ ‘હેલ્લારો’માં ઈન્ટરવલ બાદ એક સીન બતાવવામાં આવ્યો છે જેમાં એક ઢોલી આસરો લેવા માટે આવે છે અને મુખી તેને તેની જાતી પુછે છે. જેનો જવાબ આપતા ઢોલી કોઈ એક ચોક્કસ જાતિનો હોવાનું કહે છે. ફિલ્મમાં અમારી જાતિના સમાજની લાગણી દુભાઈ છે.
આ અંગે ફિલ્મ ‘હેલ્લારો’ના ડિરેક્ટર અભિષેક શાહ, પ્રોડ્યુસર આશિશ સી. પટેલ, નીરવ સી. પટેલ, આયુષ પટેલ, મીત જાની, પ્રતિક ગુપ્તા, ડાયલોગ્સ રાઈટર સૌમ્ય જોશી સામે પોલીસ ફરિયાદ નોંધાવવામાં આવી છે.