નર્મદા જિલ્લામાં અત્યાર સુધીમાં 12 પોઝિટિવ દર્દીઓ હતા. જેમણે તબક્કાવાર કોરોનાથી મુકતી મેળવી છે અને તમામ લોકો સાજા થઈ ગયા છે. આ સાથે વધુ એક જિલ્લો કોરોના મુક્ત થયો છે. અગાઉ સુરેન્દ્રનગર, મોરબી, ગીર સોમનાથ અને પોરબંદર જિલ્લામાં પણ કોરોનામુક્ત થયા છે.
સુરેન્દ્રનગરમાં એક કોરોનાનો દર્દી હતો, જે સ્વસ્થ થઈ ગયો છે. મોરબી જિલ્લામાં પણ એક કેસ નોંધાયો હતો, જે દર્દી પણ સ્વસ્થ થયો છે. આવી જ રીતે ગીર સોમનાથ જિલ્લાના ત્રણેય દર્દીઓએ કોરોનાને મ્હાત આપી છે. તેમજ પોરબંદરમાં પણ ત્રણેય દર્દીઓ સ્વસ્થ થઈ ગયા છે. અહીં મહત્વની વાત એ છે કે, અમરેલી જિલ્લામાં હજુ સુધી એક પણ કોરોનાનો કેસ નોંધાયો નથી. જેથી હવે ગુજરાતના છ જિલ્લામાં કોરોનાનો એક પણ કેસ રહ્યો નથી.