સોશિયલ મીડિયામાં રણવીર સિંહનો વીડિયો વાયરલ થયો હતો જેમાં તે અમદાવાદમાં હોટલની બહાર ચાહકોની ભીડ વચ્ચે ફસાઈ ગયો હતો. રણવીરના બોડીગાર્ડ્સ માટે ચાહકોને કંટ્રોલમાં રાખવા મુશ્કેલ હતાં. જોકે, રણવીર પોતાની કારમાં બેસી ગયો ત્યાર બાદ તેણે હાથ હલાવીને ચાહકોનું અભિવાદન કર્યું હતું.
રણવીર સિંહ હોટલથી નીકળીને અમદાવાદ એરપોર્ટ પહોંચ્યો ત્યારે ત્યાં પણ ચાહકોની ભીડ જોવા મળી હતી અને એરપોર્ટ પર રણવીર સાથે લોકો સેલ્ફી પણ લીધી હતી. રણવીર જેવો એરપોર્ટ પર આવ્યો ત્યારે ચાહકો સેલ્ફી માટે પડાપડી કરવા લાગ્યા હતાં.
યશરાજ બેનરની ફિલ્મ ‘જયેશભાઈ જોરદાર’માં રણવીર સિંહ ગુજરાતી યુવકનું પાત્ર ભજવી રહ્યો છે. આ ફિલ્મના શૂટિંગ માટે રણવીર સિંહ ઈડર આવ્યો હતો. અહીંયા રણવીર સિંહ પોતાના ક્રૂ મેમ્બરના એક્ટિવાની પાછળ બેસીને ઈડરના રસ્તાઓ પર નીકળ્યો ત્યારે ચાહકો મોટી સંખ્યામાં જમા થઈ ગયા હતાં.