Adani Wilmar Oil Price Reduced: અદાણી ગ્રુપની કંપની અદાણી વિલ્મરએ ખાદ્ય તેલના ભાવમાં મોટો ઘટાડો કર્યો છે. ગઈકાલે એટલે કે સોમવારે, કંપનીએ જાહેરાત કરી કે તે તેના ખાદ્ય તેલ હેઠળ આવતા કેટલાક તેલની કિંમતમાં 30 રૂપિયા પ્રતિ લિટર સુધીનો ઘટાડો કરવા જઈ રહી છે. તમને જણાવી દઈએ કે કંપનીના ખાદ્ય તેલ ફોર્ચ્યુન બ્રાન્ડ હેઠળ બજારમાં વેચાય છે.
અદાણી વિલ્મરના ખાદ્ય તેલના ભાવમાં કેટલો ઘટાડો થયો?
ફોર્ચ્યુન સોયાબીન તેલની કિંમતમાં 30 રૂપિયા પ્રતિ લિટરનો ઘટાડો કરવામાં આવ્યો છે અને તેને 195 રૂપિયા પ્રતિ લિટરથી ઘટાડીને 165 રૂપિયા પ્રતિ લિટર કરવામાં આવ્યો છે.
રાઇસ બ્રાન ઓઈલની કિંમતમાં 15 રૂપિયા પ્રતિ લીટરનો ઘટાડો કરવામાં આવ્યો છે અને તેની કિંમત 225 રૂપિયા પ્રતિ લીટરથી ઘટીને 210 રૂપિયા પ્રતિ લીટર કરવામાં આવી છે.
સનફ્લાવર ઓઈલની કિંમતમાં 11 રૂપિયા પ્રતિ લીટરનો ઘટાડો કરવામાં આવ્યો છે અને તે 210 રૂપિયા પ્રતિ લીટરથી ઘટીને 199 રૂપિયા પ્રતિ લીટર થઈ ગયો છે.
સરસવના તેલની કિંમતમાં 5 રૂપિયા પ્રતિ લિટરનો ઘટાડો કરવામાં આવ્યો છે અને તેને 195 રૂપિયા પ્રતિ લિટરથી ઘટાડીને 190 રૂપિયા પ્રતિ લિટર કરવામાં આવ્યો છે.
નવું સસ્તું તેલ ક્યારે આવશે
અદાણી વિલ્મરે એક નિવેદનમાં કહ્યું છે કે ટૂંક સમયમાં આ નવું સસ્તું તેલ ભારતીય બજારમાં પહોંચી જશે અને ભારતીય ગ્રાહકોને આ ઘટેલા તેલના ભાવનો લાભ મળવા લાગશે.
અદાણી વિલ્મરે કેમ ઘટાડ્યો ભાવ?
અદાણી વિલ્મરે વૈશ્વિક તેલના ઘટતા ભાવનો લાભ ગ્રાહકો સુધી પહોંચાડવાનું નક્કી કર્યું છે અને તેના કારણે તેના ખાદ્ય તેલના ભાવમાં ઘટાડો કરવામાં આવ્યો છે. અદાણી વિલ્મરે એક નિવેદનમાં જણાવ્યું હતું કે વૈશ્વિક સ્તરે કિંમતોમાં થયેલા ઘટાડાનો ફાયદો ભારતીય ઉપભોક્તા સુધી ખૂબ જ સારી રીતે પહોંચ્યો હતો, તેથી આ લાભ લેવામાં આવ્યો છે.