Bharat આટા, ચોખા અને દાળના ભાવ વધારવાની તૈયારીમાં સરકાર, જાણો કિંમતમાં કેટલો વધારો થશે

Bharat Atta Rice Rates: ફેબ્રુઆરીમાં કેન્દ્ર સરકારે 29 રૂપિયા પ્રતિ કિલોના હિસાબે 5 કિલો અને 10 કિલો પૅકમાં ચોખા વેચવાની શરૂઆત કરી હતી, પરંતુ હવે તેના ભાવ વધારવાની તૈયારી કરી લેવામાં આવી છે.

Bharat Atta Rates: તહેવારોની સીઝનમાં હવે તમારી રસોડાનું બજેટ પણ વધવાનું છે કારણ કે કેન્દ્ર સરકાર તરફથી જે સસ્તા આટા, ચોખા, દાળ મળી રહ્યા હતા, તેના ભાવ વધારવાની તૈયારી થઈ ગઈ છે. કેન્દ્ર સરકાર તરફથી રાહત દરે ખાદ્ય ઉત્પાદનો પૂરા પાડવામાં આવી રહ્યા હતા. સરકારના મંત્રીસ્તરીય પેનલે તેના ભાવ વધારવા માટે ચર્ચા કરી લીધી છે અને હવે જલ્દી જ વધેલા ભાવે તેનું વેચાણ શરૂ કરવામાં આવશે.

નહીં મળે સસ્તા આટા ચોખા દાળ

સામાન્ય લોકો માટે આ ખરાબ સમાચાર હોઈ શકે છે કે આ વખતે ભારત આટા, ચોખા, દાળ, આ બધાનું વેચાણ વધેલા ભાવે કરવામાં આવશે. એક અઠવાડિયામાં તેનું વેચાણ શરૂ કરવામાં આવશે. જોકે આ માટે લોકોએ વધારે કિંમત ચૂકવવી પડશે.

જાણો કયા અનાજ માટે કેટલા ભાવ ચૂકવવા પડશે

10 કિલો આટાના ભાવ 275 રૂપિયાથી વધીને 300 રૂપિયા થશે

10 કિલો ચોખાના ભાવ 295 રૂપિયાથી વધીને 320 રૂપિયા થશે

1 કિલો ચણાની દાળના ભાવ 60 રૂપિયાથી વધીને 70 રૂપિયા પ્રતિ કિલો થશે

આ વખતે શું હશે ખાસ

હિન્દુ બિઝનેસ લાઇનના અહેવાલ મુજબ ભારત દાળ (મગ) માટે 107 રૂપિયા પ્રતિ કિલોનો દર રાખવામાં આવી શકે છે અને ભારત દાળ (મસૂર)ને આ વખતે સસ્તા ખાદ્ય ઉત્પાદનોની યાદીમાં સામેલ કરવામાં આવી શકે છે. તેના માટે 89 રૂપિયા પ્રતિ 10 ગ્રામનો દર નક્કી કરવામાં આવી શકે છે.

ક્યારથી શરૂ થઈ છે ભારત આટા દાળ ચોખા વેચવાની શરૂઆત

ફેબ્રુઆરીમાં કેન્દ્ર સરકારે 29 રૂપિયા પ્રતિ કિલોના હિસાબે 5 કિલો અને 10 કિલો પૅકમાં ચોખા વેચવાની શરૂઆત કરી હતી. 275 રૂપિયા પ્રતિ 10 કિલોના બૅગમાં ભારત આટાનું વેચાણ નવેમ્બર 2023માં શરૂ કરવામાં આવ્યું હતું. જોકે જૂનમાં તેનું વેચાણ બંધ કરી દેવામાં આવ્યું હતું.

સૂત્રોથી શું મહત્વપૂર્ણ માહિતી મળી

સરકારી સૂત્રો મુજબ, વાસ્તવમાં સરકાર આ સમયે સ્ટોકમાં રાખેલા ચોખાને વધુમાં વધુ માત્રામાં વહેંચવા માંગે છે. એક તરફ તો સરકાર ચોખાની સબસિડી પર વધુ ખર્ચ કરવા માંગતી નથી, જ્યારે બીજી તરફ સ્ટોકમાં રાખેલા ચોખાની મોટી સપ્લાયને પણ એડજસ્ટ કરવા માંગે છે. વળી, વર્ષ 2024-25 માર્કેટિંગ વર્ષ માટે પણ તાજી સરકારી ખરીદી શરૂ થઈ ચૂકી છે. આના કારણે આગામી છ મહિનામાં વેરહાઉસને ખાલી કરવાનું દબાણ રહેશે જેથી નવા ચોખા અને ઘઉંના પાકને રાખવા માટે જગ્યા બની શકે.

સરકારે પહેલેથી જ ચોખાનું વેચાણ સાપ્તાહિક ઈ ઓક્શન દ્વારા શરૂ કરી રાખ્યું છે જેના કારણે આ નાણાકીય વર્ષમાં એક લાખ ટનથી વધુનું વેચાણ અથવા ઉઠાવ કરવામાં આવ્યો છે. આ રીતે ચોખાના વધેલા સ્ટોકને પણ સંચાલિત કરવાનો પ્રયાસ કરવામાં આવી રહ્યો છે.

આ પણ વાંચોઃ