તહેવારોની સીઝન આવતા જ ખાદ્યતેલના ભાવમાં વધારો થયો છે. પેટ્રોલ ડીઝલ, એલપીજી બાદ હવે ખાદ્ય તેલના ભાવ વધારાએ ગૃહિણોનું બજેટ ખોરવી નાંખ્યું છે. મધ્યમ વર્ગ માટે એક સાંધે ત્યાં તેર તૂટે જેવી સ્થિતિ ઉભી થઈ છે. સીંગતેલ, કપાસિયા તેલથી લઈને સનફ્લાવર તેલ સુધીના તમામ ખાધ્ય તેલમાં ભાવ વધારો થયો છે. છેલ્લા 8 દિવસમાં ખાદ્યતેલના ભાવમાં થયો છે 60 રૂપિયાથી લઈ 100 રૂપિયા સુધીનો વધારો.
સીંગતેલના 15 કિલોના ડબ્બાના ભાવમાં છેલ્લા 8 દિવસમાં 100 રૂપિયાનો વધારો થયો છે. સીંગતેલના ડબ્બાનો ભાવ પહોંચ્યો છે 2550 થી 2590 રૂપિયા પર. તો કપાસિયા તેલના ભાવમાં 60 રૂપિયાનો વધારો થયો છે. કપાસિયા તેલના ડબ્બાનો ભાવ છે 2425 રૂપિયા.
નવરાત્રિ અને દિવાળીના તહેવારમાં સટોડિયાઓ સક્રિય થયા છે. વેપારીઓના મતે મગફળી અને કપાસ ભેજવાળો આવતો હોવાથી પીલાણ થતું નથી. તો પામતેલની વિદેશમાં માગ વધતા ભાવ સતત વધી રહ્યા છે. જો કે, વેપારીઓનું એ પણ કહેવું છે કે દિવાળી આસપાસ ખાદ્યતેલના ભાવ ઘટશે.
પેટ્રોલ-ડીઝલનાના ભાવમાં વધારો
આંતરરાષ્ટ્રીય બજારમાં ક્રુડ ઓઈલના ભાવ વધતા ભારતની સરકારી ઓઈલ માર્કેટિંગ કપનીઓએ આજે ફરી પેટ્રોલ અને ડિઝનલના ભાવ વધારો કર્યો છે. આજે પેટ્રોલમાં પ્રતિ લિટરે 29 પૈસા જ્યારે ડીઝલમાં 38 પૈસાનો ભાવ વધારો થયો છે.
સરકારી કંપનીઓ જાહેર કરેલા આંકડા રાજ્યના આઠ મહાનગરોમાં પેટ્રોલ ડીઝલના વધેલા ભાવની વાત કરીએ તો અમદાવાદમાં પેટ્રોલની કિંમત પ્રતિ લિટરે 100.29 રૂપિયા પર પહોંચી ગઈ છે. તો ડીઝલની કિંમત પ્રતિ લિટરે 99.24 રૂપિયા પર પહોંચી ગઈ છે.
ગાંધીનગરમાં પેટ્રોલની કિંમત પ્રતિ લિટરે 100.51 રૂપિયા, તો ડિઝલની કિંમત પ્રતિ લિટરે 99.46 રૂપિયા પર પહોંચી ગઈ છે.
ભાવનગરમાં પેટ્રોલની કિંમત પ્રતિ લિટરે 102.02 રૂપિયા પર પહોંચી ગઈ છે. તો ડિઝલની કિંમત પ્રતિ લિટરે 100.96 રૂપિયા પર પહોંચી છે.
જૂનાગઢમાં પેટ્રોલની કિંમત પ્રતિ લિટરે 100.96 રૂપિયા, જ્યારે ડિઝલની કિંમત પ્રતિ લિટરે 99.93 રૂપિયા પર પહોંચી છે.
રાજકોટમાં પેટ્રોલની કિંમત પ્રતિ લિટરે 100.05 રૂપિયા પર પહોંચી છે. તો ડિઝલની કિંમત પ્રતિ લિટરે 99.02 રૂપિયા પર પહોંચી છે.
જામનગરમાં પેટ્રોલની કિંમત પ્રતિ લિટરે 100.22 રૂપિયા, જ્યારે ડિઝલની કિંમત પ્રતિ લિટરે 99.18 રૂપિયા પર પહોંચી છે.
સુરતમાં ડિઝલની કિંમત પ્રતિ લિટરે 100.16 રૂપિયા, તો ડિઝલની કિંમત પ્રતિ લિટરે 99.14 રૂપિયા પર પહોંચી છે.
વડોદરામાં પેટ્રોલની કિંમત પ્રતિ લિટરે 99.94 રૂપિયા, જ્યારે ડિઝલની કિંમત પ્રતિ લિટરે 98.90 રૂપિયા પર પહોંચી છે.
અન્ય શહેરોની વાત કરીએ તો અમરેલીમાં પેટ્રોલની કિંમત પ્રતિ લિટરે 101.11 રૂપિયા, જ્યારે ડિઝલની કિંમત પ્રતિ લિટરે 100.08 રૂપિયા પર પહોંચી છે.
ભૂજમાં પેટ્રોલની કિંમત પ્રતિ લિટરે 100.58 રૂપિયા, જ્યારે ડિઝલની કિંમત 99.53 રૂપિયા પર પહોંચી છે.
ભરૂચમાં પેટ્રોલની કિંમત પ્રતિ લિટરે 100.79 રૂપિયા, જ્યારે ડિઝલની કિંમત પ્રતિ લિટરે 99.74 રૂપિયા પર પહોંચી છે.
મહેસાણામાં પેટ્રોલની કિંમત પ્રતિ લિટરે 100.35 રૂપિયા, જ્યારે ડિઝલની કિંમત પ્રતિ લિટરે 99.33 રૂપિયા પર પહોંચી છે.
નવસારીમાં પેટ્રોલની કિંમત પ્રતિ લિટરે 100.42 રૂપિયા, જ્યારે ડિઝલની કિંમત પ્રતિ લિટરે 99.39 રૂપિયા પર પહોંચી છે.
પાટણમાં પેટ્રોલ પ્રતિ લિટરે 100.33 રૂપિયા, જ્યારે ડિઝલની કિંમત પ્રતિ લિટરે 99.30 રૂપિયા પર પહોંચી છે.
સુરેંદ્રનગરમાં પેટ્રોલની કિંમત પ્રતિ લિટરે 101.36 રૂપિયા, જ્યારે ડિઝલની કિંમત પ્રતિ લિટરે 100.31 રૂપિયા પર પહોંચી છે.
ગોધરામાં પેટ્રોલની કિંમત પ્રતિ લિટરે 100.76 રૂપિયા, જ્યારે ડિઝલની કિંમત પ્રતિ લિટરે 99.71 રૂપિયા પર પહોંચી છે.
આણંદમાં પેટ્રોલની કિંમત પ્રતિ લિટરે 100.09 રૂપિયા, જ્યારે ડિઝલની કિંમત પ્રતિ લિટરે 99.05 રૂપિયા પર પહોંચી છે.
પાલનપુરમાં પેટ્રોલની કિંમત પ્રતિ લિટરે 100.27 રૂપિયા જ્યારે ડિઝલની કિંમત પ્રતિ લિટરે 99.24 રૂપિયા પર પહોંચી છે.
પોરબંદરમાં પેટ્રોલની કિંમત પ્રતિ લિટરે 100.77 રૂપિયા, જ્યારે ડિઝલની કિંમત પ્રતિ લિટરે 99.72 રૂપિયા પર પહોંચી છે.
હિંમતનગરમાં પેટ્રોલની કિંમત પ્રતિ લિટરે 101 રૂપિયા પર પહોંચી છે. તો ડિઝલની કિંમત 99.95 રૂપિયા પર પહોંચી છે.
દાહોદમાં પેટ્રોલની કિંમત પ્રતિ લિટરે 101.47 રૂપિયા, જ્યારે ડિઝલની કિંમત પ્રતિ લિટરે 110.41 રૂપિયા પર પહોંચી ગઈ છે.