સોનામાં દાયકાનો સૌથી મોટો ઉછાળો
વૈશ્વિક બજારમાં સોનામાં આ વર્ષે 25 ટકાનો ઉછાળો નોંધાયો છે. આ દાયકામાં સૌથી મોટો ઉછાળો છે. જોકે સોનું ગુરુવારે 0.2 ટકાના સામાન્ય ઘટાડા સાથે 1893.36 ડોલર પર ટ્રેડ થયું હતું.
આ વર્ષે સોનામાં રેકોર્ડ ઉછાળો
વર્ષ 2020માં એક સુરક્ષિત રોકાણ તરીકે રોકાણકારોમાં સોનાની માગમાં ઉછાળો જોવા મળ્યો હતો તો બીજી બાજુ માગની સામે પુરવઠો પણ ઘટ્યો હતો. જેના કારણે સોનાની કિંમતમાં ઉછાળો જોવા મળ્યો છે. જોકે કિંમતના મામલે સોના કરતાં ચાંદીમાં વધારે વળતર મળ્યું છે. સોના-ચાંદી ઉપરાંત અન્ય કિંમતી ધાતુ પ્લેડિયમની કિંમત પણ 20 ટકા વધી છે.
કોરોના વાયરસને કારણે ફિઝિકલ ગોલ્ડની માગ ઘટી છે. લોકડાઉનને કારણે ઘરેલુ માર્કેટમાં જ્વેલરીની ફિઝિકલ માગમાં ઘટાડો જોવા મળ્યો છે. વિશ્વના સૌથી મોટા ગોલ્ડ ઈટીએફ એસપીડીઆર ગોલ્ડ ટ્રસ્ટનું હોલ્ડિંગ આ વર્ષે 30 ટકા વધ્યું છે. 2009 બાદ પ્રથમ વખત તેના હોલ્ડિંગમાં આટલો મોટો વધારો જોવા મળ્યો છે.