રાજ્યોમાં સરકાર બહુ વેચાણકેન્દ્રો ધરાવતી નથી, તેથી અમે સરકારના બફર સ્ટોકમાંથી રાહતદરના કઠોળના વિતરણ માટે પોસ્ટલ નેટવર્કનો ઉપયોગ કરવાનો નિર્ણય કર્યો છે. હાલ ચાલી રહેલી તહેવારોની સિઝનમાં આના લીધે પ્રાપ્યતા વધશે, એવું કેન્દ્રીય ગ્રાહક મંત્રાલયના એક ઉચ્ચ અધિકારીએ જણાવ્યું હતું.
ચણાનો પૂરવઠો વધારવા અને ભાવ નિયંત્રણમાં લેવા માટે આ સમિતિએ સરકારી એજન્સીઓને રીટેલ વિતરણ માટે વધુ સ્ટોક આપવાનો નિર્ણય કર્યો છે. સમગ્ર દેશમાં આશરે ૧.૫૪ લાખ પોસ્ટ ઓફિસ છે, જે પૈકીની ૧.૩૯ લાખ ગ્રામીણ વિસ્તારોમાં છે. રીટેલ વિતરણ માટે સરકાર છેલ્લાં ઘણા મહિનાઓથી રાજ્ય સરકાર અને સરકારી એજન્સીઓને પોતાના બફર સ્ટોકમાંથી રાહત દરે કઠોળ આપી રહી છે. સરકાર ચાલુ વર્ષે ૨૦ લાખ ટનનો બફર સ્ટોક રચવાનો ટાર્ગેટ ધરાવે છે.