અમદાવાદમાં શનિવારે પેટ્રોલની કિંમત પ્રતિ લીટરે રૂપિયા 80ને પાર થઇને રૂપિયા 80.40 જ્યારે ડીઝલની કિંમત રૂ. 78.81 થઇ ગઇ હતી. . આંતરરાષ્ટ્રીય માર્કેટમાં ક્રૂડ ઓઇલમાં સતત થઇ રહેલા ભાવ વધારાને કારણે દેશભરમાં પેટ્રોલ-ડીઝલની કિંમતમાં છેલ્લા 10 દિવસથી સતત વધારો થઇ રહ્યો છે.
ફેડરેશન ઓફ ગુજરાત પેટ્રોલિયમ ડીલર્સ એસોસિયેશન પાસેથી પ્રાપ્ત માહિતી પ્રમાણેઅમદાવાદમાં 4 ડિસેમ્બરની સરખામણીએ આજે પેટ્રોલની કિંમતમાં 27 પૈસાનો વધારો નોંધાયો છે. અમદાવાદમાં 6 મહિના અગાઉ જુલાઇમાં પેટ્રોલની કિંમત પ્રતિ લીટરે રૂપિયા 77.87 હતી. 5 ડિસેમ્બરના સાંજે પેટ્રોલની કિંમત રાજકોટમાં રૂપિયા 80.65, સુરતમાં રૂપિયા 80.60 જ્યારે વડોદરામાં રૂપિયા 80.15 છે.