TCS Q1 Results: પ્રથમ ક્વાર્ટરમાં કંપનીનો નફો 28.5 ટકા વધ્યો, 20,409 નવા કર્મચારીઓ કંપની સાથે જોડાયા

કંપનીના કર્મચારીઓની સંખ્યા પાંચ લાખથી ઉપર વધીને 5,09,058 થઈ ગઈ છે.

મુંબઈ: ભારતના સૌથી મોટા સોફ્ટવેર નિકાસકાર ટાટા કન્સલ્ટન્સી સર્વિસીસ (ટીસીએસ) એ ચાલુ નાણાકીય વર્ષ 2021 22ના એપ્રિલ જૂનના પહેલા ક્વાર્ટરમાં 28.5 ટકાનો એકીકૃત ચોખ્ખો નફો 9,008 કરોડ નોંધાવ્યો છે. ચાલુ નાણાકીય વર્ષના પ્રથમ ક્વાર્ટરમાં કંપનીની એકીકૃત આવક 18.5 ટકા વધીને રૂ .45,411 કરોડ થઈ છે.

સમીક્ષા હેઠળના ક્વાર્ટરમાં કંપનીએ 20,409 નવા કર્મચારીઓને રોજગારી આપી છે. આને કારણે તેના કર્મચારીઓની સંખ્યા પાંચ લાખથી ઉપર વધીને 5,09,058 થઈ ગઈ છે. કંપનીએ કહ્યું કે કર્મચારીઓ ખૂબ જ વૈવિધ્યસભર છે, જેમાં 155 રાષ્ટ્રીયતા અને 36.2% મહિલાઓનો સમાવેશ થાય છે.

વિતેલા વર્ષે આ જ ગાળામાં કંપનીની આવક 38322 કરોડ રૂપિયટા હતી. જણાવીએ કે, માર્ચ 2021 ક્વાર્ટરમાં કંપનીનો ચોખ્છો નફો 9246 કરોડ રૂપિયા હતો જ્યારે આવક 43705 કરડ રૂપિયા હતી. કંપનીના બોર્ડે 7 રૂપિયા પ્રતિ શેર વચગાળાના ડિવિડન્ડની જાહેરાત કરી છે. પ્રથમ ક્વાર્ટરના પરિણામ પહેલા ગુરુવારે ટીસીએસનો શેર 0.5 ટકા નીચે 3257 પર બંધ રહ્યો હતો.

કંપનીના ચીફ એચઆર ઓફિસર મિલિંગ લક્કડે કહ્યું કે, “એપ્રિલ અને મેનો મહિનો ટીસીએસ કર્મચારીઓ માટે ખૂબ જ પડકારજકન રહ્યો. કોવિડ 19ની બીજી લહેર દરમિયાન અનેક કર્મચારીઓએ પોતાના પરિવારના લોકો અને નજીકના સંબંધીઓને ગુમાવ્યા. આ દુખના સમયે કંપની આવા કર્મચારીઓની સાથે છે. ” તેમણે આગળ કહ્યું કે, “કર્મચારીઓના સ્વાસ્થ્યનું ધ્યાન રાખવું એ કંપનીની મુખ્ય જવાબદારી છે અને અમે સાથે મળીને એ તરફ સાર્થક પગલા લઈ રહ્યા છીએ.”