તે સિવાય દીપેન્દ્ર ગોયલે ટ્વિટર પર લખ્યું કે, અમે ભારતના વિચારો અને અમારા ગ્રાહકો-પાર્ટનરોની વિવિધા પર ગર્વ કરીએ છીએ. અમારા આ મૂલ્યોના કારણે જો બિઝનેસને કોઇ પ્રકારનું નુકસાન પહોંચે છે તો એ માટે અમને દુખ નહી થાય.
ઝોમેટો અને તેના ફાઉન્ડરે જે રીતે જવાબ આપ્યો છે તેની લોકોએ સોશિયલ મીડિયા પર ખૂબ પ્રશંસા કરી હતી. સાથે જ પંડિત અમિત શુક્લએ આ મામલો ઉઠાવ્યો હતો. અમિત શુક્લએ પોતાના ટ્વિટર એકાઉન્ટ પર ફરિયાદ કરી હતી કે મે હાલમાં ઝોમેટો પર એક ઓર્ડર કેન્સલ કર્યો છે કારણ કે તેમના તરફથી નોન હિંદુ ડિલિવરી બોય મોકલવામાં આવ્યો હતો. અમિત શુક્લ તરફથી અનેક સ્ક્રીનશોર્ટ ટ્વિટર પર જાહેર કરાયા અને મામલો ઉઠાવ્યો હતો. જોકે, આ તેને ભારે પડ્યુ હતું અને તેને ટ્રોલ કરવામાં આવ્યો હતો. તેને સમાજમાં નફરત ફેલાવનારો ગણાવાયો હતો.