ગાંધીનગર: ગાંધીનગરમાં દારૂની મહેફિલ માણતા નબીરાઓ ઝડપાયા છે. ગાંધીનગરના ઇન્ફોસિટી પોલીસના હદ વિસ્તારના સ્વાગત એફોર્ડ સોસાયટીના ફ્લેટમાં દારૂની મહેફિલ ચાલતી હતી. આ દરમિયાન પોલીસે રેડ કરી હતી. કેટલાક છોકરા અને છોકરીઓ ભેગા મળી જોર જોરથી સ્પિકર વગાડી અવાજ કરતા હોવાની ફરિયાદ મળતા પોલીસે રેડ કરી હતી.
આ રેડ દરમિયાન 13 જેટલા છોકરા-છોકરી દારૂની મહેફિલ માણતા પોલીસે ઝડપીને કાયદેસરની કાર્યવાહી કરી છે. દારૂની મહેફિલનો મુખ્ય આરોપી પાર્થ સોજીત્રા છે.