અચરજભર્યો કિસ્સોઃ એક વર્ષ પહેલા તણાઇ ગયેલો રૂપિયા ભરેલો ડબ્બો ખેડૂતને 1 વર્ષ બાદ મળ્યો, જાણો

અજીબોગરીબ ઘટના ગુજરાતના હળવદના રણછોડગઢ ગામે બની છે. ગયા વર્ષે ભારે વરસાદમાં ઝૂંપડા સહિતની ઘરવખરી સાથે જમીનમાં દાટેલા રૂપિયા ભરેલો ડબ્બો પણ તણાઈ ગયો હતો,

અમદાવાદઃ ગુજરાતમાં એક અચરજભર્યો કિસ્સો સામે આવ્યો છે, અહીં એક એવી ઘટના ઘટી છે જેને સાંભળવા છતાં લોકો માનવા તૈયાર નથી, ખરેખરમાં અહીં એક ખેડૂતનો પોતાનો રૂપિયા ભરેલો ડબ્બો એક વર્ષ બાદ પાછો મળ્યો, આ ડબ્બો પુરના પાણીમાં એક વર્ષ પહેલા તણાઇ ગયો હતો, જોકે, હવે તે હેમખેમ પાછો મળતા ખેડૂતના આનંદનો પર નથી રહ્યો. કહેવાય છે ને કે મહેનતની કમાણી અને નસીબ હોય તેને કોઇ છિનવી શકતું નથી. હાથમાંથી કોળિયો કોઇ છિનવી શકે પરંતુ નસીબનો કોળિયો કોઇ ન છીનવી શકે. 

ખરેખરમાં, અજીબોગરીબ ઘટના ગુજરાતના હળવદના રણછોડગઢ ગામે બની છે. ગયા વર્ષે ભારે વરસાદમાં ઝૂંપડા સહિતની ઘરવખરી સાથે જમીનમાં દાટેલા રૂપિયા ભરેલો ડબ્બો પણ તણાઈ ગયો હતો, હવે આજે એક વર્ષ બાદ આ ડબ્બો રણછોડગઢ નજીકના સરંભડા ગામના માલધારી યુવાનોને મળી આવ્યો હતો, જોકે આ ડબ્બો આ યુવકે ઇમાનદારી દાખવી તેના મૂળ માલિકને પરત કર્યો હતો. આ ઘટના હાલમાં સોશ્યલ મીડિયા પર ખુબ વાયરલ થઇ રહી છે. 

ઉલ્લેખનીય છે કે, ગયા વર્ષે આ વિસ્તારોમાં ભારે વરસાદ પડ્યો હતો. હળવદ તાલુકાના રણછોડગઢ ગામે રહેતા મુન્નાભાઈ જહાભાઈ ઠાકોરની વાડીએ ઝૂંપડા સહિતની ઘરવખરી તણાઈ ગઈ હતી. આ સામાનની સાથે ઘરની નજીક જમીન રૂપિયા ભરેલો ડબ્બો દાટ્યો હતો તે પણ આ પુરના પાણીના પ્રવાહમાં તણાઇ ગયો હતો. આ ઘટના અંગે મુન્નાભાઈએ આજુબાજુના ગામના લોકોને પણ જાણ કરી હતી. જોકે હવે ગઇકાલે ફરી વરસાદ ખાબકતા ડબ્બો તણાઇને હળવદના સરંભડા ગામના તળાવ નજીક તણાઇને આવ્યો હતો. આ ડબ્બામાં ખેડૂતના 22 હજાર રોકડા અંદર હતા, આ ડબ્બો જે માલધારી યુવકને મળ્યો હતો, તેને મૂળ માલિકની ચકાસણી કરી મુન્નાભાઈ જહાભાઈ ઠાકોરને પરત કર્યો હતો હતો. 

આ પણ વાંચો.....