પાટણ શહેરમાં આજે વધુ ત્રણ પોઝિટિવ કેસ નોંધાયા છે. મદારસા ગોળવાડના 63 વર્ષના વૃદ્ધને કોરોના પોઝિટિવ આવ્યો છે. જ્યારે મીરા દરવાજાના 42 વર્ષના યુવકને કોરોના રિપોર્ટ પોઝિટિવ આવ્યો છે. આ ઉપરાંત ચાંચરિયા ચોકમાં 40 વર્ષના યુવકને કોરોના પોઝિટિવ આવ્યો છે. આજે નવા ત્રણ પોઝિટિવ કેસ આવતાં શહેરમાં ફફડાટ જોવા મળ્યો હતો.
નોંધનીય છે કે, પાટણ જિલ્લામાં અત્યાર સુધી 85 પોઝિટિવ કેસ નોંધાયા છે જ્યારે 6 લોકોનાં મોત નિપજ્યાં છે. આજે પાટણ શહેરમાં નવા ત્રણ પોઝિટિવ કેસની સાથે આંકડો 24 પર પહોંચ્યો છે.