ચુંટણીપંચ દ્વારા રાજયની 6 મહાનગરપાલિકા અમદાવાદ, વડોદરા, રાજકોટ, જામનગર, ભાવનગર, સુરતમાં ચુંટણી અધિકારી અને મદદનીશ ચુંટણી અધિકારીઓના ઓર્ડર કર્યા છે. વિધાનસભાની 8 બેઠકોની પેટાચૂંટણી પૂર્ણ થયા બાદ હવે સ્થાનિક સ્વરાજયની ચૂંટણીના પડઘમ વાગી ચુકયા છે. હાલ ચૂંટણીપંચ દ્વારા તૈયારીઓ અંગેનું આયોજન ઘડવામાં આવી રહ્યું છે.
ગુજરાતમાં નવેમ્બર માસમાં 6 મહાનગરપાલિકા, 56 નગરપાલિકા, 31 જિલ્લા પંચાયત અને 231 તાલુકા પંચાયતની ચૂંટણી યોજાનાર હતી પરંતુ કોરોનાનું સંક્રમણના કારણે રાજય ચુંટણીપંચે તૈયારીઓ શરૂ કરી હોવા છતાં પણ ચૂંટણીને મોકુફ રાખવાનો નિર્ણય લીધો હતો અને ચૂંટણીને ત્રણ મહિના પાછળ ધકેલવાનું જાહેર કર્યું હતું.