વલસાડ (Valsad)ની સિવિલ હોસ્પિટલ ફૂલ થતા હવે દર્દીઓને રસ્તા પર સારવાર લેવાનો વારો આવ્યો છે. વલસાડમાં સિવિલ ફૂલ થતા 108 અને એમ્બ્યુલન્સ (ambulance)ની કતાર લાગી છે. તો બીજી તરફ રસ્તા પર પોલીસ સિવિલ તરફ કોરોના સંક્રમિત દર્દીઓને લઈને જતી એમ્બ્યુલન્સને અટકાવી રહી છે. શુક્રવારે સાંજે સિવિલ હોસ્પિટલ બહાર 108 અને એમ્બ્યુલન્સની લાઈન લાગી હતી. જેને લઈને સીટી પોલીસના જવાનો હોસ્પિટલમાં કોરોના સંક્રમિત દર્દીઓની નોંધ કર્યા વગર પેશન્ટને લઈ જતા રોકી રહી છે. કારણ કે સિવિલ હોસ્પિટલ ફૂલ થતા જ પોલીસ ને આદેશ કરાતા પોલીસે શહેરમાં પ્રવેશતા તમામ રસ્તાઓ પર નાકા બાંધી કરી ને 108 કે એમ્બ્યુલન્સમાં આવતા દર્દીઓ સિવિલમાં જતા અટકાવ્યા હતા. 400 બેડની સિવિલ ફૂલ થઈ ગઈ છે એટલે દર્દી ઓને રસ્તા પર ઝઝૂમવા અને 108 એમ્બ્યુલન્સના સહારે મુકવામાં આવ્યા છે.
નોંધનીય છે કે, ગઈકાલે રાજ્યમાં પ્રથમ વખત 13804 નવા કેસ નોંધાયા છે. જ્યારે વધુ 142 લોકોનાં મૃત્યુ થયા છે તેની સાથે કોરોનાથી કુલ મૃત્યુઆંક 6 હજારને પાર પહોંચી ગયો છે. રાજ્યમાં કોરોના સંક્રમણથી કુલ મૃત્યુઆંક 6019 પર પહોંચ્યો છે.
રાજ્યમાં ગઈકાલે 5618 લોકોએ કોરોના (coronavirus)ને મ્હાત આપી છે. તેની સાથે અત્યાર સુધી 3,61,493 લોકો ડિસ્ચાર્જ થઈ ચૂક્યા છે. રાજ્યમાં એક્ટિવ કેસ (Active cases)ની સંખ્યા વધીને 1 લાખને પાર પહોંચી ગઈ છે. રાજ્યમાં હાલ એક્ટિવ કેસનો આંકડો 100128 પર પહોંચ્યો છે. જેમાંથી 384 લોકો વેન્ટિલેટર પર અને 99744 લોકો સ્ટેબલ છે. રાજ્યમાં કોરોનાથી રિકવરી રેટ 77.30 ટકા છે.
કોરોનાથી ક્યાં કેટલા મોત થયા ?
ગઈકાલે અમદાવાદ કોર્પોરેશનમાં 21, સુરત કોર્પોરેશનમાં 19, રાજકોટ કોર્પોરેશન-10, વડોદરા કોર્પોરેશન-10, સુરત-2, મહેસાણમાં 4, જામનગર કોર્પોરેશન-9, બનાસકાંઠા-5, જામનગર-5, વડોદરા-6, ભાવનગર કોર્પોરેશન-4, પાટણ 2, ગાંધીનગર કોર્પોરેશન 1, ભાવનગર 4, ગાંધીનગર 2, દાહોદ 1, જૂનાગઢ 2, જૂનાગઢ કોર્પોરેશન 2, વલસાડ 2, ભરૂચ 3, મહીસાગર 1, રાજકોટ 3, સુરેન્દ્રનગર 4, પંચમહાલ 1, સાબરકાંઠા 6, મોરબી 4, અમદાવાદ 1, અરવલ્લી 1, છોટા ઉદેપુર 1, દેવભૂમિ દ્વારકામાં 4 અને બોટાદમાં 2ના મૃત્યુ થયા હતા.
ક્યાં કેટલા કેસ નોંધાયા ?
અમદાવાદ કોર્પોરેશનમાં 5411, સુરત કોર્પોરેશનમાં 2176, સુરત 641, રાજકોટ કોર્પોરેશન- 626, વડોદરા કોર્પોરેશન-546, મહેસાણા-476, જામનગર કોર્પોરેશન-354, બનાસકાંઠા-278, જામનગર-253, કચ્છ-210, વડોદરા-170, ભાવનગર કોર્પોરેશન-166, પાટણ-165, ગાંધીનગર કોર્પોરેશન-163, ભાવનગર 136, ખેડા 129, ગાંધીનગર 117, દાહોદ 115, જૂનાગઢ 110, જૂનાગઢ કોર્પોરેશન 108, નવસારી 108, વલસાડ 107, ભરૂચ 106, મહીસાગર 93, રાજકોટ 93, સુરેન્દ્રનગર 93, તાપી 89, અમરેલી 87, ગીર સોમનાથ 85, પંચમહાલ 83, સાબરકાંઠા 79, મોરબી 61, અમદાવાદ 59, અરવલ્લી 59, આણંદ 52 કેસ નોંધાયા હતા.
કેટલા લોકોએ લીધી રસી
વેક્સિનેસન (vaccinations) કાર્યક્રમ અંતર્ગત અત્યાર સુધીમાં કુલ 92,15,310 લોકોને વેક્સિનનો પ્રથમ ડોઝ આપવામાં આવ્યો છે અને 17,86,321 લોકોને કોરોનાની રસીનો બીજો ડોઝ આપવામાં આવ્યો છે. આમ કુલ- 1,10,01,631 લોકોને રસીકરણના ડોઝ આપવામાં આવ્યા છે.