અમુલ ફેડરેશન ઉત્પાદક સંઘો પાસે જે 90 હજાર મેટ્રિકટન જથ્થાનો ભરાવો થયો છે, સરકાર ફેડરેશનને 1 કિલોએ 50 રૂપિયા સહાય આપશે. નિકાસ થતા સંઘોને ફાયદો થશે. ઘર વપરાશમાં 50 થી 60 લાખ લીટર દૂધનો ઉપયોગ થાય છે. અન્ય દૂધની પ્રોડકટ બાદ દુધનો પાવડર બનાવે છે. પાઉડરના વેચાણ થતા સંઘને ફાયદો થશે.
દૂધમાંથી દૂધના પાવડરનું ઉત્પાદન મહત્વનું છે. 1 કરોડ લીટર દૂધનું ઉત્પાદન થાય છે. દૂધના પાવડરના આંતરરાષ્ટ્રીય ભાવ ઓછા થયા છે. 90 હજાર મેટ્રિક ટન જેટલો ફેડરેશન પાસે જથ્થો ભેગો થયો છે. આ સમયે વેચવામાં આવે તો 90 રૂપિયા જેટલુ નુકશાન આવે. જેને લઇ દૂધના ભાવ પણ પશુપાલકોને ઓછા મળે છે.
અમુલ ફેડરેશન દ્વારા વિદેશમાં નિકાસ કરવામાં આવે તો ભાવ ઓછા છે તો દૂધ સંઘોને નુકશાન થાય એવી સ્થિતિ છે. અમુલ ફેડરેશનના હોદ્દેદારોએ રજુઆત કરી હતી. મુખ્યમંત્રી સાથે હોદ્દેદારોની ચર્ચા બાદ 150 કરોડ રૂપિયાની ફાળવણી કરવામાં આવી છે. જો વેચાણમાં નુકશાન થાય તો સીધી અસર પશુપાલકોને મળતા દૂધના ભાવ પર પડે છે.