તાપીઃ ઉકાઈ પોલીસ સ્ટેશનના હેડ કોન્સ્ટેબલે કરી આત્મહત્યા, જાણો વિગત

લાંબી માંદગીથી પીડાતા હોવાના કારણે તેમણે ખેતરમાં ઝાડ સાથે ફાંસો ખાઈ આત્મહત્યા કરી હતી.

તાપીઃ ઉકાઈ પોલીસ સ્ટેશનમાં હેડ કોન્સ્ટેબલ તરીકે ફરજ બજાવતાં પોલીસ કર્મચારીએ આત્મહત્યા કરી હતી. હેડ કોન્સ્ટેબલે તેમના ખેતરમાં ઝાડ સાથે ફાંસો ખાઈ જીવન ટૂંકાવી દેતા તેમની સાથે કામ કરતા સાથીઓમાં શોકનું મોજું ફરી વળ્યું હતું.

મળતી માહિતી પ્રમાણે, આત્મહત્યા કરનારા હેડ કોન્સ્ટેબલનું નામ અવિનાશભાઈ ગામીત છે. તેઓ મૂળ વ્યારા તાલુકાના વડકુઈ ગામના રહેવાસી હતા. લાંબી માંદગીથી પીડાતા હોવાના કારણે તેમણે ખેતરમાં ઝાડ સાથે ફાંસો ખાઈ આત્મહત્યા કરી હતી.

પોલીસે આ અંગે વધુ તપાસ હાથ ધરી હતી.