સૂત્રોના જણાવ્યા પ્રમાણે, કોંગ્રેસમાંથી ભાજપમાં આવેલા અને ચૂંટણી હારેલા નેતાઓને પણ બોર્ડ-નિગમોમાં સ્થાન મળશે. આ ઉપરાંત સંગઠનમાં મહત્વના હોદ્દા પર હોય તેમને પણ સ્થાન મળશે. રાજ્ય સરકાર દ્વારા બોર્ડ-નિગમોમાં ચેરમેન વરણી બાદ સંગઠનનું માળખું જાહેર કરાશે.
નરેન્દ્ર મોદીએ આ માટે છ સભ્યોની કમિટી બનાવી છે કે જે ક્યા બોર્ડ-નિગમમાં કોને નિમવા તે અંગે નિર્ણય લેશે. આ કમિટીમાં ભાજપના રાષ્ટ્રીય પ્રમુખ જે.પી. નડ્ડા, કેન્દ્રીય ગૃહ મંત્રી અમિત શાહ, મુખ્યમંત્રી વિજય રૂપાણી, રાજ્યના નાયબ મુખ્યમંત્રી નીતિન પટેલ, ભાજપના પ્રદેશ પ્રમુખ સી.આર. પાટિલ અને ગુજરાતના મહેસૂલ મંત્રી કૌશિક પટેલનો સમાવેશ કરાયો છે.