હિંમતનગર: સાબર ડેરીના ચેરમેન અને વાઈસ ચેરમેનની ચૂંટણી યોજાઈ હતી. જેમાં જેઠાભાઇ પટેલનો પરાજય થયો હતો. જેઠાભાઇ પટેલના સામ્રાજ્યનો અંત આવતાં પશુપાલકોમાં ખુશીની લહેર જોવા મળી હતી. જ્યારે ચેરમેન તરીકે મહેશભાઇ પટેલની જીત થઈ છે.



વાઈસ ચેરમેન તરીકે જ્યંતિભાઇ પટેલ ચૂંટાયા છે. જેઓ અત્યારે સાબરકાંઠા બેંકના ચેરમેન પણ છે. આજે યોજાયેલી ચૂંટણી જંગમાં પરીવર્તનો પવન ફૂંકાયો છે પરંતુ ચૂંટણી પહેલાં કેટલાંક સભ્યોનું હોર્સ્ટ્રેડિંગ થયાની લોકચર્ચા ચાલી હતી.



સાબર ડેરીના ચેરમેન અને વાઈસ ચેરમેન પદનો મામલો ગુંચવાયો હતો. જેના કારણે બે જૂથોએ બંધબારણે બેઠકો યોજી હતી. નિયામક મંડળના સભા ખંડ છોડી ગુપ્ત બેઠક યોજવામાં આવી હતી.



નોંધનીય છે કે, છેલ્લા કેટલાય વર્ષોથી સાબર ડેરીના ચેરમેન તરીકે જેઠાભાઈ પટેલનો દબદબો રહ્યો હતો. જોકે આજે યોજાયેલ ચૂંટણીમાં જેઠાલાલનો પરાજય થયો હતો.