આ અંગેની વિગતો છે કે, આણંદ જિલ્લાના એક ગામની પરિણીતા યુવતીના પતિનું અવસાન થતાં સમગ્ર પરિવારની જવાબદારી તેની માથે આવી પડી હતી. જોકે, કમાવાનું કોઈ સાધન ન હોય અને ઘરમાં 80 વર્ષની વૃદ્ધ સાસુ અને 3 બાળકોનું ભરણપોષણ કરવાનું હોવાથી યુવતીએ કેટલાક યુવકો સાથે 500-500 રૂપિયા લઈ સંબંધ બાંધવાના શરૂ કર્યા હતા. તેમજ આ રૂપિયાથી તે પરિવારનું ભરણપોષણ કરતી હતી.
આ સંબંધોને પરિણામે યુવતીને ગર્ભ રહી ગયો હતો. શરૂઆતમાં તો યુવતીએ પાડોશીઓથી વાત છૂપાવી રાખી હતી અને પેટમાં ગાંઠ હોવાનું બહાનું બતાવ્યું હતું. જોકે, સરકારી હોસ્પિટલમાં તપાસ કરતાં યુવતી ગર્ભવતી હોવાનું પાડોશીઓને ખબર પડી ગઈ હતી. આથી પાડોશીઓએ યુવતીને ગર્ભ કઢાવી નાંકવાની સલાહ આવી હતી. જોકે, એક જાગૃત મહિલાએ મહિલા હેલ્પલાઇનની મદદ માગતાં યુવતીને સખી વન સ્ટોપ સેન્ટર ખાતે મોકલી આપવામાં આવી હતી.