Kargil Vijay Diwas : ભારતીય સેનાએ વર્ષ 1999માં કારગીલમાં પાકિસ્તાની સૈનિકોને પરાજય આપી.કારગીલમાં ઊંચાઈવાળા વિસ્તારો પર કબજો કરી લીધો હતો. ભારતે પાકિસ્તાની સૈનિકો સામે ઓપરેશન વિજય શરૂ કર્યું. 60 દિવસના યુદ્ધમાં ભારતીય સૈનિકો પાકિસ્તાની સૈનિકોને ભગાડવામાં સફળ રહ્યા હતા.
કારગીલ વિજય દિવસ. ભારતીય સૈનિકો માટે ગૌરવ દિવસ. આ જીતને આજે 24 વર્ષ પૂરા થઈ રહ્યા છે. 1999માં પાકિસ્તાની સેનાએ કાશ્મીરમાં ઘૂસણખોરી કરીને અનેક શિખરો પર કબજો કર્યો હતો. 3 મેના રોજ ભારતને ભરવાડો દ્વારા પાકિસ્તાની ઘૂસણખોરીની માહિતી મળી હતી. અંતે, 10 મેના રોજ, પાકિસ્તાની સૈનિકોને ભગાડવા માટે ઓપરેશન વિજય શરૂ થયું. ભારતીય સેનાએ કારગીલની પહાડીઓ પર કૂચ શરૂ કરી હતી. હજારો ફૂટ ઊંચા શિખરો પર દુશ્મનો કબજો જમાવી રહ્યા હતા. આવી સ્થિતિમાં ભારતીય સેના માટે પડકાર ઘણો મુશ્કેલ હતો. લગભગ 60 દિવસ સુધી ચાલેલા આ યુદ્ધમાં ભારતીય જવાનોની બહાદુરીના કારણે ભારતે યુદ્ધ જીત્યું. યુદ્ધમાં લગભગ 500 સૈનિકો શહીદ થયા હતા. 1300થી વધુ જવાનો ઘાયલ થયા છે. કારગિલ યુદ્ધ 26 જુલાઈ 1999 ના રોજ સમાપ્ત થયું હતું.
દ્રાસ સેક્ટરની જવાબદારી લેફ્ટનન્ટ જનરલ મોહિન્દ્ર પુરીને સોંપવામાં આવી હતી. તોલોલિંગ શિખર પર કબજો કરવાનો ભારતીય સેનાનો પ્રયાસ નિષ્ફળ ગયો હતો. આ પછી લેફ્ટનન્ટ જનરલે તોલોલિંગને જીતવાની જવાબદારી 2 રાજપૂતાના રાઈફલ્સને સોંપી. 9 જૂને જ્યારે ભારતીય સેનાએ બાલ્ટિક પ્રદેશમાં બે ચોકીઓ પર કબજો કર્યો ત્યારે તેમનો ઉત્સાહ વધી ગયો. 12 જૂનના રોજ સીઓ કર્નલ રવિન્દ્રનાથે ટોલોલિંગને જીતવાની યોજના બનાવી. આ પછી, સૈનિકોએ 13 જૂને દ્રાસ સેક્ટરમાં તોલોલિંગની ટોચ પર ત્રિરંગો ફરકાવ્યો. આ શિખર પર કબજો કરવા દરમિયાન કોબ્રા દિગેન્દ્ર સિંહે 48 ઘુસણખોરોને મોતને ઘાટ ઉતારી દીધા હતા. આ દરમિયાન તેને 5 ગોળીઓ વાગી હતી.તોલોલિંગ પર વિજયમાં કેપ્ટન વિજંયતનું મહત્વપૂર્ણ યોગદાન રહ્યું.
ટાઈગર હિલ પછી ભારતીય સૈનિકોએ બટાલિક સેક્ટરમાં જુબર હિલ પર કબજો કર્યો. આ પછી, જવાનોએ આગળ કૂચ કરી અને તે જ સેક્ટરમાં જુબર હિલને કબજે કરવા માટે બહાદુરીનું પ્રદર્શન કર્યું. જુબલ હિલના કબજામાં મેજર સરવનન શહીદ થયા હતા. મેજરે 29 મેના રોજ ને જુબર હિલ્સ માટે તેમણે પ્લાટૂનનું નેતૃત્વ કર્યુ હતું. તેણે દુશ્મનો પાસેથી બે બંકરો કબજે કર્યા હતા. યુદ્ધમાં ચાર દુશ્મનોને માર્યા બાદ તેઓ શહીદ થયા હતા.