મુંબઇના ભાયખલાથી ધારાસભ્ય વારિસ પઠાણે કહ્યુ કે, ઇંટનો જવાબ પથ્થરથી આપવાનું અમે શીખી લીધું છે. જો એકઠા થઇને ચાલવું પડશે. જો આઝાદી નહી આપવામાં આવે તો આપણે છીનવવી પડશે. તેઓ કહે છે કે અમે મહિલાઓને આગળ રાખી છે. હજું તો સિંહણો બહાર નીકળી છે તો તમને પરસેવો છૂટી રહ્યો છે. તમે સમજી શકો છો કે જો અમે તમામ એક સાથે આવ્યા તો શું થશે. 15 કરોડ (મુસ્લિમ) છીએ પરંતુ 100 કરોડ (હિંદુઓ) પર ભારે છીએ. એ યાદ રાખી લેવું.
આ અગાઉ પાંચ ફેબ્રુઆરીના રોજ પઠાણે સ્વીકાર કર્યો હતો કે તેમણે મુંબઇના નાગપાડા વિસ્તારમાં શાહીનબાગની જેમ વિરોધ પ્રદર્શનનું આયોજન કર્યું હતું. વારિસ પઠાણના આ નિવેદન બાદ વીએચપીએ નિવેદનની ટીકા કરી હતી. બીજી તરફ મુસ્લિમ મૌલવીઓએ કહ્યું હતું કે, આ પ્રકારના નિવેદનથી ધૃણાનો જન્મ થાય છે. હિંદુ મુસલમાન સાથે ઉભો છે અને મુસલમાન હિંદુ સાથે ઉભો છે. આ પ્રકારની વિચારધારાઓથી દેશને નુકસાન થશે.