પિઝ્ઝા ડિલીવરી બોયની આ બેદરકારીના કારણે તેની સાથે રહેલા તમામ સ્ટાફને પણ ક્વોરન્ટાઈન કરવામાં આવ્યા છે. સુત્રો અનુસાર, આ પિઝ્ઝા ડિલીવરી બૉય માર્ચના અંત સુધી ડ્યૂટી પર હતો, અને ગયા અઠવાડિયે આનો કોરોના ટેસ્ટ પૉઝિટીવ આવ્યો હતો. જોકે અધિકારીઓનુ કહેવુ છે કે, આ પહેલા તેને ડાયાલિસીસ માટે હૉસ્પીટલ લાવવામાં આવ્યો હતો, ત્યાંથી તેને ચેપ લાગ્યો હતો.
લોકડાઉન દરમિયાન હાલ ભોજન અને કરિયાણાના સામાનની હોમ ડિલીવરીની અનુમતી છે, ત્યારે આવી બેદરકારી અનેકનો ભોગ લઇ શકે છે. ઉલ્લેખનીય છે કે રાજધાની દિલ્હીમાં કોરોના પોઝટિવ કેસમાં સતત વધારો થઈ રહ્યો છે.