ABP Ideas of India: કૈલાશ સત્યાર્થીએ સારા શિક્ષણ પર જોર આપ્યુ, કહ્યું- સમસ્યાઓ માટે નહીં સમાધાનો માટે ઓળખાય છે ભારત

કૈલાશ સત્યાર્થીએ કહ્યું કે, ભારતનો અસલી વિકાસ ત્યારે થશે જ્યારે તમામને સમાન શિક્ષણ મળી શકશે. સૌથી છેલ્લી લાઇનમાં ઉભા રહેલા દરેક બાળકના ચહેરા પર મુસ્કાન લાવવાનુ કામ કરીશુ. 

Ideas of India: નૉબલ પુરસ્કાર વિજેતા કૈલાશ સત્યાર્થીએ એબીપી ન્યૂઝના આઇડિયાઝ ઓફ ઇન્ડિયા સમિટ 2022માં ભાગ લીધો, તેમને 'ધ હ્યૂમેનિટી ઇન્ડેક્સ' વિષય પર ચર્ચા કરી. કૈલાશ સત્યાર્થીએ કહ્યું કે, ભારતનો અસલી વિકાસ ત્યારે થશે જ્યારે તમામને સમાન શિક્ષણ મળી શકશે. સાથે જ સૌથી છેલ્લી લાઇનમાં ઉભા રહેલા દરેક બાળકના ચહેરા પર મુસ્કાન લાવવાનુ કામ કરીશુ. 

દેશના દરેક બાળકને સારા શિક્ષણનો અધિકાર - 
આગામી 25 વર્ષોમાં ભારતને એવુ શું કરવુ જોઇએ, જેનાથી ભારતને સોનાની ચિડીયાના રૂપમાં ફરીથી જોવામા આવે. આ સવાલના જવાબમાં કૈલાશ સત્યાર્થીએ કહ્યું -દેશનુ દરેક બાળક નિર્ભય થઇને પુરેપુરી આઝાદી સાથે સ્કૂલના ક્લાસરૂમમાં હોય, એવુ જ તેને શિક્ષણ મળે જેમ દેશના મોટા મોટા ઉદ્યોગપતિઓ અને નેતાઓના બાળકોને મળી રહ્યુ છે. આ આઇડિયાને માપવા માટે ગાંધીજીથી પ્રેરિત થઇને મારો એક આઇડિયા છે, કે દેશના બહુજ ગરીબ વિસ્તારમાં એક છોકરીની કલ્પના કરો, જે ગુલામીમાં પેદા થઇ છે, જેના મા-બાપ મજૂરી કરે છે, જે છોકરી દરેક પ્રકારના શોષણ માટે ટ્રેફિકિંગનો ઉપયોગ કરવામાં આવી શકે છે. જો આપણે બધા તે છોકરીના મોંઢા પર આજે મુસ્કાન લાવીશુ તો 25 વર્ષ બાદ ભારત દુનિયાનો એક મહાન દેશ બની જશે. 

સપનામાં હોય છે મોટી તાકાત -
શાંતિના નૉબલ પુરસ્કાર મેળવાનારા કૈલાશ સત્યાર્થીએ કહ્યું કે, આ જે મે બધુ કહ્યું છે તે શક્ય છે. મેં જ્યારે કામ શરૂ કર્યુ તો આ કોઇ મુદ્દો ન હતો. બાળમજૂરી, ચાઇલ્ડ ટ્રાફિકિંગ જેવા શબ્દો સાંભળ્યા ન હતા. આપણા દેશમાં પોતાના કોઇ કાયદા ના હતા, પરંતુ આમ છતાં સપનામાં મોટી તાકાત હોય છે. જો આપણે આનાથી જોડાઇ જઇએ તો કંઇપણ હાંસલ કરી શકીએ છીએ. ભારત સમસ્યાઓ માટે નહીં સમાધાનો માટે જાણીતો છે. આપણે બધા સમાધાન છીએ. આ માટે આપણી સરકારોને જોઇએ કે તે પોતાના બજેટમાં બાળકોને પ્રાથમિકતા આપે. 40 ટકા વસ્તી આપણી 18 વર્ષથી નીચેની છે, પરંતુ તેમનુ શિક્ષણ, સુરક્ષા અને સ્વાસ્થ્યને મળીને આપણા જીડીપીના 4 ટકાથી પણ ઓછા પૈસા ખર્ચ થાય છે. જો આ દેશનુ એક પણ બાળક શિક્ષણથી વંચિત છે અને ગુલામીમાં જીવી રહ્યાં છે, તો આપણે આપણી જાતને આઇનામાં જોવી જોઇએ, અને સ્વીકાર કરવુ જોઇએ કે આ બાળકો કોઇ બીજાના બાળકો નથી, પરંતુ આ ભારત માતાની ઓલાદો છે. આપણે તેમનુ બાળપણ પાછુ આપવુ જોઇએ.

 

 

--

આ પણ વાંંચો........