ABP Cvoter Survey: ઉત્તરાખંડમાં ભાજપની ફરી સરકાર રચાશે છે કે નહીં, જાણો શું કહે છે ABPનો સર્વે?
ABP Cvoter Survey for Uttarakhand Election 2022: આગામી વર્ષની શરૂઆતમાં દેશમાં પાંચ રાજ્યોમાં વિધાનસભાની ચૂંટણીઓ યોજાવાની છે.ઉત્તર પ્રદેશ, ઉત્તરાખંડ, પંજાબની સાથે ગોવા અને મણિપુરમાં ચૂંટણી યોજાવાની છે.
ઉત્તરાખંડમાં સર્વે અનુસાર ભાજપને 44થી 48 બેઠકો, કોગ્રેસને 19થી 23 બેઠકો, આમ આદમી પાર્ટીને 0 થી 4 બેઠકો અને અન્યને 0 થી 2 બેઠકો મળવાનો અંદાજ છે.
ઉત્તરાખંડના 23 ટકા લોકો વર્તમાન મુખ્યમંત્રી પુષ્કર સિંહ ધામીને મુખ્યમંત્રીના તરીકે જોવા માંગે છે. તે સિવાય અનિલ બલૂનીને 19 ટકા, કર્નલ કોઠિયાલને 10 ટકા, સતપાલ મહારાજને 4 ટકા અને 14 ટકા લોકો નવા ચહેરાને ઇચ્છે છે.
ઉત્તરાખંડમાં આગામી વર્ષે યોજાનારી વિધાનસભા ચૂંટણીમાં કોને કેટલા ટકા મતદાન મળી શકે છે? એબીપી ન્યૂઝ સી વોટરના સર્વે અનુસાર ઉત્તરાખંડમાં ભાજપને 43 ટકા, કોગ્રેસને 23 ટકા, આમ આદમી પાર્ટીને 6 ટકા અને અન્યને 4 ટકા મત મળી શકે છે.
ઉત્તરાખંડ વિધાનસભા ચૂંટણીમાં ક્યો મુદ્દો છવાશે તેને લઇને સર્વે દરમિયાન નવ ટકા લોકોએ ભ્રષ્ટાચાર, 41 ટકા લોકોએ બેરોજગારી, 16 ટકાએ મોંઘવારી, 12 ટકા લોકોએ ખેડૂતો, 15 ટકાએ કોરોના અને સાત ટકાએ અન્ય ચૂંટણી મુદ્દાઓ બતાવ્યા હતા.
એબીપી ન્યૂઝ સી વોટરના સર્વે અનુસાર ઉત્તરાખંડના મુખ્યમંત્રીના કામથી 36 ટકા લોકો ખુશ જોવા મળી રહ્યા છે. 11 ટકા લોકો ઓછા ખુશ, 36 ટકા મુખ્યમંત્રીના કામથી અસંતુષ્ટ જોવા મળી રહ્યા છે જ્યારે 17 ટકા લોકોએ કહ્યું કે તેઓ આ અંગે કાંઇ કહી શકે તેમ નથી.
બ્રેકગ્રાઉન્ડ
Assembly Election 2022 ABP Cvoter Survey LIVE: આગામી વર્ષની શરૂઆતમાં દેશમાં પાંચ રાજ્યોમાં વિધાનસભાની ચૂંટણીઓ યોજાવાની છે. આ ચૂંટણી એટલા માટે ખૂબ મહત્વની છે કારણ કે તેમાં એ રાજ્ય પણ સામેલ છે જેના પર દેશની સૌથી વધુ 80 લોકસભા બેઠકો છે. વાત ઉત્તર પ્રદેશની થઇ રહી છે. ભાજપ 2024માં ફરીથી કેન્દ્રની સત્તામાં આવવા માંગે છે તો તેના માટે ઉત્તર પ્રદેશમાં જીત મેળવવી જરૂરી છે. તે સિવાય ઉત્તરાખંડ, પંજાબની સાથે ગોવા અને મણિપુરમાં ચૂંટણી યોજાવાની છે.
એબીપી ન્યૂઝ સી-વોટર તરફથી સર્વે કરીને જનતાનો મૂડ જાણવાનો પ્રયાસ કરવામાં આવ્યો છે. સર્વે દરમિયાન તમને જણાવીશું કે આગામી વર્ષે યોજાનારી આ પાંચ રાજ્યોની ચૂંટણીમાં કોની સરકાર બની શકે છે. કોણ કેટલી બેઠકો જીતી શકે છે. આ સાથે જ રાજ્યની પ્રજા પોતાના મુખ્યમંત્રીના ઉમેદવાર અંગે શું વિચારે છે.
નોંધનીય છે કે આગામી ચૂંટણીને ધ્યાનમાં રાખીને તમામ પક્ષોએ ચૂંટણીના રાજ્યોમાં કમર કસી લીધી છે. એવામાં સ્પષ્ટ છે કે આગામી વર્ષે પાંચ રાજ્યોમાં યોજાનારી વિધાનસભા ચૂંટણીની સીધી અસર દેશની 2024માં યોજાનારી લોકસભા ચૂંટણી પર પડશે.
- - - - - - - - - Advertisement - - - - - - - - -