મહારાષ્ટ્રમાં કોરોનાનો પ્રકોપ સૌથી વધારે હોવાથી અત્યાર સુધી ધાર્મિક સ્થળોને ખોલવાની મંજૂરી મહારાષ્ટ્ર સરકારે આપી નહોતી. જ્યારે હવે ઉદ્ધવ ઠાકરેએ સોમવારથી ધાર્મિક સ્થળો ખોલવાની મંજૂરી આપીને લોકોને દિવાળીની ભેટ આપી છે.
જો કે તમામ ધાર્મિક સ્થળોએ કોરોનાની ગાઈડલાઈનનું ચુસ્ત પાલન કરવાનું રહેશે. મહત્વનું છે કે નાસિકનું શિરડી તથા મુંબઈનાં સિધ્ધી વિનાયક જેવા મહારાષ્ટ્રમાં અનેક પ્રસિદ્ધ મંદિરો છે. જ્યાં ગુજરાતમાંથી પણ અનેક ભક્તો સમયાંતરે દર્શન કરવા જતા હોય છે.