આંધ્રપ્રદેશના પૂર્વ ગોદાવરી જિલ્લાના ગુંટૂરમાં 74 વર્ષની મંગાયમ્મા નામની મહિલાએ જોડિયા બાળકોને જન્મ આપ્યો હતો. આ મહિલાએ IVF ની મદદથી ગર્ભ ધારણ કરીને જોડિયા બાળકોને જન્મ આપ્યો. ડૉ સનકકયલા અરૂણાએ કહ્યું કે માતા અને બન્ને નવજાત શિશું સુરક્ષિત અને સ્થિર છે.
મંગાયમ્માના લગ્ન 1962માં ઈ રાજા રાવ સાથે થયા હતા. 54 વર્ષ પછી પણ કોઇ સંતાન ન થતાં તેઓએ આશા જ છોડી દીધી હતી. જ્યારે તેમના જ એક પાડોસીએ આર્ટિફિશિયલ ઇનસેમિનેશ દ્વારા 55ની ઉંમરમાં એક બાળકને જન્મ આપ્યો હતો ત્યારે તેમને પણ આશા જાગી અને તેમણે IVF નો સહારો લેવાનુ નક્કી કર્યુ હતું.