પ્રકાશ રાઠોડનો એક વીડિયો વાયરલ થયો છે. ક્લિપમાં ગૃહમાં એમએલસી પોતાના મોબાઈલ ફોન પર સ્ટોરેજ ક્લિક કરતાં જોવા મળે છે. આ દરમિયાન બીજી ક્લિપની વચ્ચે તેમના ફોન પર કેટલીક અશ્લીલ ક્લિપ પણ જોવા મળી. જોકે, રાઠોડે એ ક્લિપ પર ક્લિક ન કર્યું અને ફોનમાં સર્ફિંગ કરતાં તે આગળ વધી જાય છે.
આ મામલે રાઠોડે સ્પષ્ટતા કરતાં કહ્યું કે, તેઓ પ્રશ્નકાળ દરમિયાન સરકારને પ્રશ્નો પૂછા માટે તેમના મોબાઈલ ફોનમાં આ સંબંધિત સામગ્રી જોઈ રહ્યા હતા અને પોતાનામાં ફોનમાંથી કેટલાક ડેટા ડિલીટ કરી રહ્યા હતા કારણ કે તેમના ફોનની મેમરી ફુલ થઈ ગઈ હતી. રાઠોડે કહ્યું કે, તેઓ જ્યારે સર્ફિગ કરી રહ્યા હતા ત્યારે તેમાં ઘણાં મેસેજ હતા અને તમે શું જોયું અને શું બતાવ્યું તે મને ખબર નથી.
આ મામલે ભાજપે લેખિતમાં પ્રતિક્રિયા આપી છે. પાર્ટીએ રાઠોડના રાજીનામાની માગ કરી છે. ભાજપ પ્રવક્તા એસ પ્રકાશે કહ્યું કે, હું કોંગ્રેસ એમએલસી પ્રકાશના સસ્પેન્શનની માગ કરુ છું. તેમણે રાજીનામું આપી દેવું જોઈએ. અમારી પાર્ટી આ વાત સ્પીકર સામે પણ મુકશે. પ્રકાશે કહ્યું કે, તેમના આ કાર્યથી ગૃહની ગરિમા ઘટી છે.
નોંધનીય છે કે, આ પહેલા વર્ષ 2012માં ભાજપના ત્રણ પ્રધાનો ચાલુ વિધાનસભામાં મોબાઈલ પોનમાં અશ્લીલ ક્લિપ જોતા કેમેરેમાં ઝડપાયા હતા. જેના કારણે તાત્કાલીક ભાજપ સરકાર શરમમાં મુકાઈ ગઈ હતી. આ ઘટના બાદ ત્રણેય મંત્રીઓએ પોતાના પદ પરથી રાજીનામું આપી દીધું હતું.