આ દાવા પ્રમાણે કોઈ વ્યક્તિથી ત્રણ ફૂટ નહીં પણ ચાર મીટર એટલે કે તેર ફૂટ અંતર રાખવું જરૂરી છે. તેનું કારણ એ છે કે, કોઈ વ્યક્તિ છીંક ખાય તો ચાર મીટર અંતર સુધી તેની અસર થઈ શકે છે. કોરોનાવાયરસનો ચેપ છીંકના કારણે ફેલાય છે તેથી ડોક્ટરોએ આ સલાહ આપી છે.
આ પહેલાં અમેરિકાના સંશોધકોએ લોકોન બે મીટર અંતર રાખવા કહ્યું હતું પણ હવે નવા સંશોધનમાં નવો ધડાકો થતાં ચાર મીટર અંતર રાખવાની સલાહ અપાઈ છે. આ સંશોધનમાં એવું પણ જાણવા મળ્યું છે કે, મેડિકલ સ્ટાફના જૂતાંથી પણ કોરોનાવાયરસ ફેલાઈ શકે છે. સંશોધકોએ મેડિકલ સ્ટાફનાં જૂતાંના સોલનું પરીક્ષણ કરતાં કોરોનાવાયરસ પોઝિટિવ હોવાનું જણાયું હતું.