પીએમ મોદીએ ટ્વીટ કરીને કહ્યું કે, મને મારા મિત્ર જસ્ટિન ટ્રુડોનો ફોન આવ્યો. તે આનંદની વાત હતી. મેં ખાતરી આપી હતી કે કેનેડા દ્વારા માંગવામાં આવેલી કોરોના રસીના પુરવઠાની સુવિધા માટે ભારત શ્રેષ્ઠ પ્રયાસો કરશે. અમે જળવાયુ પરિવર્તન અને વૈશ્વિક આર્થિક સુધારા જેવા અન્ય મહત્વપૂર્ણ મુદ્દાઓ પર સહયોગ ચાલુ રાખવા પણ સંમત થયા. ''
ભારત ઘણા મૈત્રીપૂર્ણ દેશોને કોરોના રસી સપ્લાય કરે છે. જસ્ટિન ટ્રુડોએ પણ રસીના ડોઝ માટે હાથ લંબાવ્યો છે. કેનેડાએ ત્રણ નવા કૃષિ કાયદા સામે ભારતમાં ખેડુતોના આંદોલનને ટેકો આપ્યો હતો. જસ્ટિન ટ્રુડોએ કહ્યું કે, "કેનેડા વિશ્વમાં ક્યાંય પણ શાંતિપૂર્ણ રીતે પ્રદર્શન કરવાના ખેડૂતોના હક્કોની સુરક્ષા માટે ઉભું રહેશે."
ભારતે આ અંગે કડક પ્રતિક્રિયા આપી હતી. ભારતે કહ્યું હતું કે, "ખેડૂત આંદોલન અંગે કેનેડિયન વડા પ્રધાન જસ્ટિન ટ્રુડો અને અન્ય કેટલાક નેતાઓની ટિપ્પણી દેશના આંતરિક બાબતોમાં 'અસ્વીકાર્ય દખલ' સમાન છે.