સ્કાઇલાઇટ હોસ્પિટૈલિટી કંપનીના એડવોકેટ તબરેજે આરોપ લગાવ્યો હતો કે ઇડી દિલ્હીના સુખદેવ વિહાર સ્થિત વાડ્રાની ઓફિસમાં દરવાજા તોડીને અંદર ઘૂસી હતા અને કર્મચારીઓને 13થી 14 કલાક બંધ રાખ્યા હતા. તેમનું કહેવું છે કે ઇડીએ ગેટમાં લાગેલા સીસીટીવી કેમેરા તોડી દીધા હતા અને ઓફિસને પુરી રીતે નષ્ટ કરી દીધી હતી.
અધિકારીઓના કહેવા પ્રમાણે, દિલ્હી એનસીઆર અને બેંગલુરુમાં વિવિધ સ્થળો પર બપોરે 12 વાગ્યાથી તપાસ ચાલી રહી હતી. ઇડીના સૂત્રોના મતે વાડ્રાની કંપનીઓના બે કર્મચારીઓ અને એક અન્ય વ્યક્તિના સ્થળો પર તપાસ કરાઇ હતી. આ લોકો પર સંદિગ્ધ રીતે સંરક્ષણ કરારમાં કમીશન પ્રાપ્ત કરવા અને તે રકમનો ઉપયોગ વિદેશમાં ગેરકાયદેસર સંપત્તિઓ ખરીદવામાં કર્યો છે. તેણે દાવો કર્યો હતો કે એજન્સીને નવા પુરાવા મળ્યા છે જેના આધાર પર કાર્યવાહી કરવામાં આવી હતી.
વાડ્રાના વકીલ સુમન જ્યોતિ ખેતાને આ દરોડા પર નારાજગી વ્યક્ત કરી હતી. આરોપ લગાવ્યો હતો કે, ઇડીની ટીમ વોરંટ બતાવ્યા વિના વાડ્રાના સહયોગીઓના પરિસરમાં ઘૂસ્યા હતા. તેમણે સરકારની કાર્યવાહી પર સવાલ ઉઠાવ્યા હતા.