Viral Video: હાલમાં સોશિયલ મીડિયા પર એક વીડિયો ખૂબ વાયરલ થઈ રહ્યો છે, જેમાં એક છોકરી પાર્કમાં કચોરી વેચનાર સાથે દલીલ કરતી જોવા મળે છે. વીડિયોમાં છોકરી કચોરી ખાતી વખતે દુકાનદાર સાથે દલીલ કરતી અને પછી તેની સાઇકલને લાત મારીને બધો સામાન ફેંકી દેતી જોઈ શકાય છે. હાલમાં યુવતીને સોશિયલ મીડિયા પર ખૂબ ટ્રોલ કરવામાં આવી રહી છે. તે જ સમયે, મોટી સંખ્યામાં યૂઝર્સ દુકાનદારનું સમર્થન કરતા જોવા મળે છે.
વાસ્તવમાં, સોશિયલ મીડિયા પર જે વીડિયો સામે આવ્યો છે, તેમાં છોકરી દુકાનદાર સાથે ડુંગળીની માંગ કરતી જોઈ શકાય છે. જ્યારે દુકાનદાર કહે છે કે તે ડુંગળી ખતમ થઈ જવાને કારણે આપી શકતો નથી, ત્યારે તે તેના પર ગુસ્સે થાય છે. આ સાથે તે દુકાનદાર સાથે અપશબ્દોનો ઉપયોગ કરીને દલીલ કરતી જોવા મળે છે.
આ સિવાય પાર્કમાં હાજર લોકો જ્યારે યુવતીને શાંત કરવા માટે ત્યાં જાય છે ત્યારે તે તેમની સાથે ખરાબ રીતે વાત કરે છે. આ દરમિયાન લોકો કહે છે કે દુકાનદારને રૂપિયા આપી દેવા જોઈએ કોઈ ગરીબના રૂપિયા ન લેવા જોઈ. આવી સ્થિતિમાં યુવતી પોતાનો ગુસ્સો ગુમાવી બેસે છે અને દુકાનદારની સાઇકલને લાત મારી દે છે. જેના કારણે સાયકલ પર સવાર દુકાનદારનો તમામ સામાન જમીન પર પડીને બગડી જાય છે.
યુવતી અહીં જ અટકતી નથી, તે વીડિયો બનાવનાર વ્યક્તિ સાથે લડતી પણ જોવા મળે છે અને જ્યારે દુકાનદાર તેના નુકસાનના વળતરની વાત કરે છે તો તેણે તેને બે વાર થપ્પડ પણ મારી હતી. તે જ સમયે, આસપાસ ઉભેલા લોકો તેને કહે છે કે તે તેના છોકરી હોવાનો ફાયદો ઉઠાવી રહી છે, જેના પર તે અટકતી નથી અને હોબાળો ચાલુ રાખે છે.